जनकपुरधाम- पहिलो मिनी गिरी राष्ट्रिय महिला ह्यान्डबलको उपाधिका लागि दुई विभागीय टिम नेपाल आर्मी र सशस्त्र प्रहरी भिड्ने भएका छन् ।
जनकपुरमा जारी खेलअन्तर्गत् बिहीबार भएको सेमिफाइनलमा पोखरालाई २४-२ गोल अन्तरले पराजित गर्दै सशस्त्रले फाइनल यात्रा तय गरेको हो । खेलमा उत्कृष्ट प्रदर्शन गरेकी सशस्त्रकी पार्वती चौधरी बेस्ट प्लेयर बनिन् ।
बिहीबारै भएको अर्को सेमिफाइनलमा उदयपुरलाई ३२-२ गोल अन्तरले पराजित गर्दै आर्मीले फाइनलमा स्थान पक्का गरेको हो । प्रतियोगितामा आर्मीकी शान्किला राई बेस्ट प्लेयर भइन् ।
दुई विभागीय टोलीबीचको शुक्रबार हुने खेल निकै रोमाञ्चक हुने अनुमान गरिएको छ ।
ह्यान्डबल संघ धनुषाले १५ जेठदेखि जनकपुरमा आयोजना गरेको प्रतियोगितामा आठ टाेलीकाे सहभागिता छ ।
प्रकाशित: Dec 31, 2017| 18:23 आइतबार, पुस १६, २०७४