चेन्नईले जित्यो आईपीएल

काठमाडौं । इन्डियन प्रिमियर लिग(आईपीएल)को उपाधी चेन्नई सुपर किङ्सले जितेको छ । यो जीतसँगै चेन्नईले तेस्रो पटक आईपीएलको उपाधी कब्जा गरेको छ । सातौं पटक फाइनल खेल्दा चेन्नर्इले तीन खेल मात्र जितेको छ । आइतबार भएको खेलमा सनराइजर्स हैदराबादलाई ८ विकेटले हराउँदै चेन्नई प्रतियोगिताको च्याम्पियन बनेको हो ।

एक सय ७९ रनको लक्ष्य पछ्याएको चेन्नईले १८ ओभर तीन बलमा दुई विकेट गुमाएर एक सय ८२ रन बनाउँदै विजयी बन्यो । चेन्नईलाई विजयी बनाउन वाट्सन र सुरेश रैनाले दोस्रो विकेटका लागि १ सय १७ रनको साझेदारी गरेका थिए। 

वाट्सनले ५७ अबल खेल्दै ११ चौका र आठ छक्काको मद्दतमा एक सय १७ रनको महत्वपूर्ण योगदान गरेका थिए । यो सिजन वाट्सनको यो दोस्रो शतक हो । रैनाले ३४ बलमा तीन चौका र एक छक्कासहित ३२ रन जोडे । 

अम्बाती रायडु १६ रनमा अविजित रहँदा अर्का ओपनर फाप्डुप्लेसिसले १० रन बनाए । हैदराबादका लागि सन्दीप शर्मा र कालोर्सस बर्थवाइटले समान एक–एक विकेट लिए ।

त्यसअघि टस हारेर पहिले ब्याटिङको निम्तो पाएको हैदराबादले नियमित २० ओभरमा ६ विकेटको क्षतिमा एक सय सय ७८ रन बनाएको थियो । ओपनर श्रीवत्स गोस्वामी पाँच रनमै आउट भए पनि अनुभवी ब्याट्सम्यानद्वय शिखर धवनले २६ र विलियमसनले ४७ रनको पारी सम्हालेका थिए । 

विलियमसनले आफ्नो ३६ बलको पारीमा दुई छक्का र पाँच चौका प्रहार गरेका थिए । युसुफ पठानले २५ बलमा ४५ रन बनाउँदै हैदराबादलाई प्रतिस्पर्धात्मक लक्ष्यतर्फ पुर्‍याएका थिए । मिडल अर्डरमा शकिब अल हसनले १५ बलमा २३ रन बनाए ।

कार्लोस ब्रेथवेटले ११ बलमा छ रन जोडे भने दिपक हुडा तीन रनमा आउट भएका थिए । चेन्नाईका लागि लुङी एन्गिडीले किफायती बलिङ गर्दै एक विकेट लिए भने करन शर्मा, ड्वेन ब्राभो र रविन्द्र जडेजाले पनि समान एक-एक विकेट लिए ।