मन्त्रीको अगुवाइमा नेकपाको बोर्ड हटाएर एमालेको राखियो

विराटनगर– सर्वोच्च अदालतले नेपाल कम्युनिष्ट पार्टी (नेकपा) ऋषि कट्टेलको हुने फैसला सुनाएको भोलिपल्ट मोरङमा नेकपाको बोर्ड हटाएर नेकपा (एमाले)को राखिएको छ। 

एमाले नेता तथा संस्कृति पर्यटन तथा नागरिक उड्डयनमन्त्री भानुभक्त ढकालको उपस्थितिमा एमालेको बोर्ड राखिएको हो।

नेता ढकालले सर्वोच्चको फैसलापछि सूर्य चिह्न पनि टुंगो लागेको बताए। उनले भने,‘सूर्य चिह्नबारेको अन्यो हटेको छ।’ एमालेले अब आफ्नो गतिविधि सुरु गरेको उनले बताए। नेकपाको नाममा रहेको सम्पत्ति अब एमालेकै हुने नेता ढकालले बताए।

मोरङ अध्यक्ष ऋषिकेश पोखरेलले जनसंगठनहरुले सोमबारदेखि पूर्ववत् रुपमै आफ्नो गतिविधि सुरु गर्ने बताए। पोखरेलले पहिलेकै नाममा जनसंगठनहरुले आफ्ना गतिविधि सुरु गर्ने जानकारी दिए।

कार्यक्रममा तत्कालीन एमालेका नेताहरु गुरु बराल, विनोद ढकाल, जनवर्गीय संगठनका नेता तथा कार्यकर्ताको उपस्थिति थियो।