इन्डिया–इंग्ल्यान्ड तेस्रो टेस्ट आजबाट

काडमाडौं– चार खेलको इन्डिया–इंग्ल्यान्ड टेस्ट सिरिजअन्तर्गतको तेस्रो खेल आज (बुधबार)बाट सुरु हुँदैछ। डे–नाइट शैलीको टेस्ट आज दिउँसो साढे दुई बजेबाट अहमदाबादको मोटेरा रंगशालामा सुरु हुनेछ।

पछिल्लो दुई खेलमा १–१ जित निकालेर समान अवस्थामा रहेका यी दुई टिमले आज सुरु भएको खेलसँगै अग्रता बनाउने अवसर पाउनेछन्।

आईसीसी विश्व टेस्ट च्याम्पियनसिप अन्तर्गत रहेको टेस्ट सिरिजका पहिला दुई खेल चेन्नईस्थित चिदम्बरम् रंगशालामा भएका थिए।

सुरुआति खेलमा पाहुना टिम इंग्ल्यान्डले २२७ रनको जित निकालेको थियो भने दोस्रो खेलमा दोस्रो खेलमा आयोजक इन्डियाले ३१७ रनको सानदार जित निकाल्यो।

दोस्रो खेलमा इंग्ल्यान्डका सबै विकेट स्पिन बलरले लिएका थिए। त्यस्तै, आजबाट सुरु भएको तेस्रो टेस्ट फेब्रुअरी २८ मा सकिने छ।

त्यसपछि हुने चौथो तथा अन्तिम खेल यही मैदानमा मार्च ४ देखि ८ सम्म सञ्चालन हुनेछ।