प्रधानन्यायाधीश र प्रधानसेनापतिबीच एक घण्टा लामो भेटवार्ता

काठमाडौं- प्रतिनिधिसभा विघटनसम्बन्धी मुद्दाको फैसला आउने क्रममा रहेकै बेला आकस्मिक रुपमा प्रधानसेनापति पूर्णचन्द्र थापाले प्रधानन्यायाधीश चोलेन्द्र शमशेर राणासँग भेटवार्ता गरेका छन्। 

प्रधानसेनापति थापाले प्रधानन्यायाधीशसँग करिब एक घण्टा लामो भेट गरेको सर्वोच्च अदालत स्रोतले जानकारी दिएको छ। 
तर, सेनाले भने सर्वोच्चले नयाँ भवन बनाउने स्थानमा नेपाली सेनाको केही जग्गा परेकोले त्यससम्बन्धी छलफल गर्न गएको दाबी गरेको छ। 

‘प्रधानसेनापति जग्गाको विषयमा केही छलफल गर्न जानुभएको हो,’ सैनिक स्रोतले भन्यो।

संसद विघटनसम्बन्धी मुद्दाको पक्ष/विपक्षको बहस ७ फागुनमा सकिएपछि भोलिदेखि हेर्दाहेर्दैमा सुनुवाई हुँदैछ।

संसद विघटनसम्बन्धी मुद्दाको फैसला अन्तिम चरणमा रहेका बेला आकस्मिक रुपमा प्रधानसेनापतिले प्रधानन्यायाधीशसँग गरेको भेटवार्तालाई अर्थपूर्ण रुपमा हेरिएको छ।