उपन्यास विश्रामपुर सार्वजनिक

पदम गौतमद्वारा लिखित उपन्यास ‘विश्रामपुर’ सार्वजनिक भएको छ।

नेपाल समय | शुक्रबार, फागुन ७, २०७७

नेपाल समय

शुक्रबार, फागुन ७, २०७७

काठमाडौं– पदम गौतमद्वारा लिखित उपन्यास ‘विश्रामपुर’ सार्वजनिक भएको छ।

राजनीति हुँदै साहित्य र पत्रकारितामा लागेका गौतमको यो पहिलो उपन्यास हो। यसअघि उनका ‘फूलको लासमाथि’ र ’रगतको शयनकक्षमा’ कविता संग्रह तथा ‘एकलासको फूल’ र ‘घाम झुल्कनुअघि’ गजल संग्रह प्रकाशित छन्।

राजनीतिले लगातार चुसेको एक देहाती गाउँको कथा हो –‘विश्रामपुर’। आञ्चलिक शब्द र स्वाद मिसाएर लेखिएको यो उपन्यासमा जनमत संग्रहदेखि यता झन्डै चार दशकको राजनीतिक, सामाजिक र आर्थिक चित्रण छ। राजनीतिले देखाएको सपना र सत्ताले गर्ने सपनाको हत्यापछी पिँधमा रहेका नागरिकले भोग्नुपर्ने भुक्तमानको दस्तावेजीकरण हो – विश्रामपुर।

लेखक गौतम भन्छन्, ‘उपन्यासको भावभूमि र मुख्य विषय करिब चार दशकअघिका त्यहाँका मान्छेका सपनाको हत्या हो। मैले समाजका सपना र मेरा कल्पनालाई एकै ठाउँमा जोड्ने प्रयास गरें धेरै पटक। पात्र र गाउँ काल्पनिक भएपनि सपना उही हुन्, मान्छेका कथा उही हुन्।’

सांग्रीला बुक्सले प्रकाशन गरेको ‘विश्रामपुर’ उपन्यासको मूल्य ४८४ तोकिएको छ।

प्रकाशित: Feb 19, 2021| 06:39 शुक्रबार, फागुन ७, २०७७