काठमाडौंका विभिन्न क्षेत्रमा आजदेखि १० दिनसम्म बिजुली कटौती हुने

नेपाल समय | आइतबार, असोज ४, २०८३

नेपाल समय

आइतबार, असोज ४, २०८३

काठमाडौंका विभिन्न क्षेत्रमा आजदेखि १० दिनसम्म बिजुली कटौती हुने

काठमाडौं- नेपाल विद्युत प्राधिकरणले टेकु सबस्टेसनमा पुराना रिले हटाएर नयाँ रिले जडान तथा परीक्षण गर्नुपर्ने भएकाले काठमाडौंका विभिन्न क्षेत्रमा विद्युत आपूर्ति प्रभावित हुने जनाएको छ।

प्राधिकरणको आयोजना व्यवस्थापन निर्देशनालय अन्तर्गत सञ्चालित लप्सीफेदी तथा चाँगुनारायण सबस्टेसन निर्माण आयोजनाले टेकु सबस्टेसनको ११ केभी प्यानलमा रिले रेट्रोफिट, एसएएस जडान तथा परीक्षणको काम गर्न लागेको हो।

उक्त कार्यका कारण १३२ केभी टेकु सबस्टेसनबाट विद्युत आपूर्ति हुने विभिन्न वितरण केन्द्रअन्तर्गतका फिडरबाट आपूर्ति हुने क्षेत्रमा असोज ४ गतेदेखि चरणबद्ध रूपमा विद्युत सेवा अवरुद्ध वा प्रभावित हुने प्राधिकरणले जनाएको छ। प्राधिकरणका अनुसार असोज ४ गतेदेखि असोज १४ गतेसम्म काठमाडौंका विभिन्न क्षेत्रमा फरक–फरक समयमा विद्युत आपूर्ति प्रभावित हुनेछ।

प्रकाशित: Sep 20, 2026| 10:11 आइतबार, असोज ४, २०८३