एक वर्षपछि सँगै देखिए किम दम्पती

उत्तर कोरियाका सर्वोच्च नेता किम जोङ उन र उनकी पत्नी रि सोल जू करिब एक वर्षपछि सार्वजनिक स्थानमा देखिएका छन्।

नेपाल समय | बुधबार, फागुन ५, २०७७

नेपाल समय

बुधबार, फागुन ५, २०७७

काठमाडौं– उत्तर कोरियाका सर्वोच्च नेता किम जोङ उन र उनकी पत्नी रि सोल जू करिब एक वर्षपछि सार्वजनिक स्थानमा देखिएका छन्।

उनीहरु दुवै मंगलबार एक कार्यक्रममा देखा परेका हुन्।

उत्तर कोरियाको सरकारी न्युज च्यानलका अनुसार उन दम्पती किमका पिता तथा उत्तर कोरियाका पूर्वनेता किम जोङ इलको जन्मजयन्तीको अवसरमा आयोजित कार्यक्रममा सहभागी भएका हुन्।

पछिल्लो वर्षको जनवरीपछि किम दम्पती एकसाथ देखिएका थिएनन्। यसका कारण ३१ वर्षीया सोल जू को स्वास्थ्यमा गडबडी भएको वा उनी गर्भवती भएको अनुमान हुँदै आएको थियो।

दक्षिण कोरियाली खुफिया एजेन्सीका अनुसार किम र जू का तीन बच्चा छन्।