पोखरामा नापतौलका सामान परीक्षण

पोखराका भाँडा तथा कपडा व्यवसायीले आफ्ना नापतौलका सामग्री परीक्षण गराएका छन्।

नेपाल समय | बुधबार, माघ २८, २०७७

नेपाल समय

बुधबार, माघ २८, २०७७

पोखरा – पोखराका भाँडा तथा कपडा व्यवसायीले आफ्ना नापतौलका सामग्री परीक्षण गराएका छन्।

पोखरा उद्योग वाणिज्य संघको ६७औं वार्षिकोत्सवको सन्दर्भमा पोखरा नापतौल कार्यालय कास्कीका अधिकारीको रोहबरमा मंगलबार पोखरामा स्वच्छ व्यवसाय नै आफ्नो धर्म भएको भन्दै नापतौलका सामान पुनः प्रमाणित गरिएको हो।

भाँडा व्यवसायीले आफ्नो नापतौलका तराजु, ढक र कपडा व्यवसायीले आफ्नो कपडा नाप्ने ‘गज’ ठीक भएको प्रमाणित गराएको पोखरा उद्योग वाणिज्य संघका अध्यक्ष नारायण कोइरालाले जानकारी दिए।

नेपाल गुणस्तर तथा नापतौल कार्यालय कास्की, पोखरा उद्योग वाणिज्य संघ, कपडा एशोसिएशन पोखरा र पोखरा भाँडा व्यवसायी संघको संयुक्त आयोजनामा परीक्षण गरिएको थियो।

नेपाल गुणस्तर तथा नापतौल कार्यालय पोखराका प्रमुख तिलक केसी, रुघुनाथ पौडेल, विपिन पुरीलगायतले नापतौलका सामान अद्यावधिक गरेका थिए।

प्रकाशित: Feb 10, 2021| 03:51 बुधबार, माघ २८, २०७७