प्रजातन्त्र दिवसमा कविता तथा निबन्ध प्रतियोगिता हुने

प्रजातन्त्र दिवसको अवसरमा राष्ट्रिय कविता तथा निबन्ध प्रतियोगिता हुने भएको छ।

नेपाल समय | मंगलबार, माघ २७, २०७७

नेपाल समय

मंगलबार, माघ २७, २०७७

काठमाडौं – प्रजातन्त्र दिवसको अवसरमा राष्ट्रिय कविता तथा निबन्ध प्रतियोगिता हुने भएको छ।

प्रज्ञा-प्रतिष्ठानको संयोजनमा फागुन ७ गते प्रज्ञा भवनमा प्रतियोगिता आयोजना हुने भएको हो।

महोत्सवका लागि राष्ट्रिय भावना प्रतिविम्बन हुने गरी १५० शब्दसम्मको कविता र ‘राष्ट्रिय समृद्धिको यात्रामा युवावर्गको दायित्व’ शीर्षकमा नेपाली भाषामा लेखिएको १५०० शब्दसम्मको निबन्ध माग गरिएको छ।

प्रतियोगतामा भाग लिन इच्छुक कवि तथा निबन्धकारले आफ्नो मौलिक तथा कतै प्रकाशित र प्रसारित नभएको कविता तथा निबन्ध फागुन २ गतेसम्म बुझाइसक्नु पर्ने प्रज्ञा प्रतिष्ठानले जनाएको छ।

कविता र निबन्ध दुवै विधातर्फ प्रथम, द्वितीय र तृतीय हुनेले क्रमशः ५० हजार, ४० हजार र ३० हजार रूपैयाँ नगद र प्रमाणपत्र प्राप्त गर्ने प्रज्ञा–प्रतिष्ठानका सदस्य सचिव प्रा जगतप्रसाद उपाध्यायले जानकारी दिए।

प्रकाशित: Feb 09, 2021| 01:21 मंगलबार, माघ २७, २०७७