काठमाडौं- नेपाली राष्ट्रिय क्रिकेट टिमका खेलाडी करण केसी र सोमपाल कामीले अबुधाबीमा जारी टी–१० लिगमा डेब्यू गरेका छन्।
हिजो(बिहीबार) राति सम्पन्न खेलमा दुवै खेलाडी पहिलो खेलमा सम्मिलित भएका हुन्।
खेलमा दुवै खेलाडीको प्रदर्शन भने उच्च स्तरको रहन सकेन्। मराठा अरेबियन्सबाट बलिङ गरेका सोमपाल कामीले सम्हालिएर खेल्न नसक्दा दुई ओभरमा २८ रन प्रदान गरे।
तर उनको टिम मराडाले नर्देन वारियर्सविरुद्ध पाँच विकेटको जित निकाल्यो।
त्यस्तै, पुने डेबिल्समा सम्मिलित करण केसीले एक ओभर बलिङ गर्दै १७ रन दिए।
करणको टिम पुनेले पनि सुरुवाति जित निकालेको छ। उसले डेक्कन ग्लडिएटर्सविरुद्ध ७ विकेटको जित निकालेको हो।