क्यान्सरपीडित केसीको उपचारमा पौदी सेभ सोसाइटीको सहयोग

काठमाडौं– पौदी सेभ सोसाइटीले क्यान्सरपीडित कालिका केसीको उपचारार्थ सहयोग रकम हस्तान्तरण गरेको छ।

गुल्मीको मुसिकोट नगरपालिका–१ बाङ्गेकी क्यान्सर रोगबाट पीडित केसीलाई सोसाइटीले सहयोग रकम हस्तान्तरण गरेको हो। कालिका लामो समयदेखि भरतपुर क्यान्सर अस्पतालमा उपचारत छिन्।

पौदी सेभ सोसाइटीको आह्वानमा संकलित ४ लाख ४ हजार रुपैयाँ सोसाइटीका केन्द्रीय अध्यक्ष सन्तोष गिरी, उपाध्यक्ष रामप्रसाद भुसाल र कोषाध्यक्ष सूर्य खाती क्षेत्रीको उपस्थितिमा हस्तान्तरण गरिएको हो। 

सोसाइटीको आह्वानमा जापानबाट सहयोग रकम जुटाउन कृष्ण खत्री क्षेत्री, संस्थाका जापान शाखा अध्यक्ष धनिसोर अर्याल उपाध्यक्ष अम्मंर गिरी, सचिव डिलराम पोखरेल, लोकनाथ घिमिरे र विष्णुकुमार गिरीले विशेष भूमिका खेलेका थिए। 

०७४ सालमा स्थापना भएको पौदी सेभ सोसाइटीले असहायहरुको सहयोगमा समन्वय गर्दै आएको छ।