प्रदेश २ का तीन अस्पतालबाट एकैसाथ कोरोनाविरुद्धको खोप अभियान सुरु

प्रदेश २ मा एकैसाथ तीन अस्पतालबाट कोरोनाविरुद्धको खोप अभियान सुरु भएको छ।

नेपाल समय | बुधबार, माघ १४, २०७७

नेपाल समय

बुधबार, माघ १४, २०७७

प्रदेश २ का तीन अस्पतालबाट एकैसाथ कोरोनाविरुद्धको खोप अभियान सुरु

जनकपुरधाम - प्रदेश २ मा एकैसाथ तीन अस्पतालबाट कोरोनाविरुद्धको खोप अभियान सुरु भएको छ।

प्रदेश २ को जनकपुरधामस्थित प्रादेशिक अस्पताल, वीरगंजस्थित नारायणी उपक्षेत्रीय अस्पताल र राजविराजस्थित गजेन्द्रनारायण सिंह सगरमाथा अस्पतालबाट कोरोनाविरुद्धको खोप लगाउने अभियान सुरु भएको हो।

मुख्यमन्त्री लालबाबु राउतले वीरगंजको नारायणी अस्पतालबाट खोप अभियानको शुभारम्भ गरे। आन्तरिक मामिला तथा कानुनमन्त्री ज्ञानेन्द्रकुमार यादवले प्रादेशिक अस्पताल जनकपुरधाममा आफैं पहिलो खोप लगाएर शुभारम्भ गरे।

त्यस्तै राजविराजस्थित गजेन्द्रनारायण सिंह सगरमाथा अस्पतालमा सामाजिक विकास मन्त्री नवलकिशोर साहले शुभारम्भ गरेका हुन्।

वीरगंजको नारायणी उपक्षेत्रीय अस्पतालमा नर्स हेमा थापाले पहिलो खोप लगाइन् भने गजेन्द्रनारायण सिंह अस्पतालमा नर्स सुनिता थापाले पहिलो खोप लगाइन्।

प्रकाशित: Jan 27, 2021| 07:23 बुधबार, माघ १४, २०७७