लयमा फर्कियो सिटी, युनाइटेडलाई पछि पार्दै ईपीएलको शीर्षस्थानमा

काठमाडौं- इंग्लिस प्रिमियर लिग(ईपीएल)अन्तर्गत मंगलबार रातिको खेलमा जित निकाल्दै म्यानचेस्टर सिटी ईपीएलको शीर्षस्थानमा पुगेको छ।

१९ खेलमा १२ औं जित निकाल्दै शीर्षस्थानको म्यानचेस्टर युनाइटेडलाई एक अंकले पछि  पारेर सिटी लिगलिडर बनेको हो।

लिगलिडर बन्न गएरातिको खेलमा उसले वेस्ट ब्रोमविरुद्ध उसकै मैदानमा ५–० गोलको फराकिलो जित निकाल्यो।

सिटीका लागि इलके गुन्डोगनले दुई  गोल गरे भने जोआ क्यानसेलो, रियाद महरेज र रहिम स्टार्लिङले समान १–१ गोल गरे।

खेलको छैटौं मिनेटमै गुन्डोगनले गोल गर्दै सिटीलाई अग्रता दिलाए। २० औं मिनेटमा क्यानसेलोले गोल गर्दै अग्रता दोब्बर बनाए।

त्यस्तै ३० औं मिनेटमा गुन्डोगनले व्यक्तिगत दोस्रो गोल गर्दै सिटी ३–० गोलको अग्रतामा पुग्यो।

तर सिटी यतिमै रोकिएन्। पहिलो हाफको इन्ज्युरी सयमा पनि महरेजले गोल गर्दै सिटीलाई चार गोलको अग्रतामा पुर्‍याए।

पहिलो हापमै सहज अवस्थामा पुगेको सिटीका स्टार्लिङले दोस्रो हाफको ५७ औं मिनेटमा अन्तिम गोल गरे।

यससँगै फरकिलो जित निकालेको सिटीले हालसम्म १२ जित, पाँच बराबरी र दुई हारका साथ ४१ अंक जोडेको हो।

समान १९ खेल खेलेको युनाइटेड ४० अंकका साथ दोस्रो स्थानमा रहँदा लेस्टर सिटी ३८ अंकका साथ तेस्रो स्थानमा छ।

सिटीसँग पराजित वेस्ट ब्रुम भने पुछारबाट दोस्रो स्थानमा छ।