पीएम कपमा प्रदेश २ विरुद्ध सुदूरपश्चिमको सहज जित

काठमाडौं– प्रधानमन्त्री कप एकदिवसीय क्रिकेट अन्तर्गत त्रिविको क्रिकेट मैदानमा आज आइतबार सम्पन्न खेलमा प्रदेश २ विरुद्ध  सुदूरपश्चिम प्रदेशले ३ विकेटको जित निकालेको छ।

टस हारेर ब्याटिङको निम्तो पाएको प्रदेश दुईले ४२ ओभरमा पूरा विकेट गुमाएर १९६ रन बनाएपछि सुदूरपश्चिमले १९६ रनको लक्ष्य पाएको थियो।

जवाफी ब्याटिङमा आएको सुदूरपश्चिमले 
३३ ओभरमा ७ विकेट गुमाएर रन लक्ष्य पूरा गरेपछि प्रदेश २ माथि जित निकालेको हो।

सुदूरपश्चिमका लागि सन्जु धामीले ५७ रन को अर्धसतकीय पारी खेले भने खडक बोहराले ४७ रनको योगदान दिए। त्यस्तै, गजेन्द्र बोहराले ३९ रन बनाएको खेलमा अरुण ऐरीले १९ रनको योगदान दिए।

बलिङतर्फ प्रदेश २ का कुमार थापाले तीन विकेट लिए भने हरिशंकर शाहले दुई विलेट लिए। त्यस्तै, विबेक यादव र रवी शाहले समान १–१ विकेट लिए।

त्यसअघि ब्याटिङमा आएको प्रदेश २ का हरिशंकर शाहले सर्वाधिक ६० रन जोडे भने विवेक यादवले ४१ रन बनाए। त्यस्तै, महबुब आलम २४ रनमा आउट हुँदा राहुल प्रताप सिंहले १२ रन बनाए।

सुदूरपश्चिमका तर्फबाट प्रदेश दुईलाई अतिरिक्त ३२ रन प्राप्त भयो। 

बलिङतर्फ शेर मल्ल र नरेन्द्र साउँदले समान ३–३ विकेट लिए भने अरुण ऐरीले दुई विकेट गिराए। एक विकेट लिनेमा हेमन्त धामी र भोज राज भट्ट रहे।

लिग चरणको खेलबाट सेमीफाइनलमा प्रवेश गर्न नसकेपछि यी दुवै टिम प्रतियोगिताबाट बाहिरिसकेका छन्।