नेपालमा पहिलोपटक हाइ स्पिड किक प्रतियोगिता हुँदै

काठमाडौं– नेपालमा पहिलोपटक अन्तर्राष्ट्रिय भर्चुअल हाइ स्पिड किक प्रतियोगिता हुने भएको छ।

आउँदो १३ र १४ माघमा खुला अन्तर्राष्ट्रिय भर्चुअल पुम्से र हाइ स्पिड किक तेक्वान्दो प्रतियोगिता हुने भएको हो।

६ वटा डोजाङले संयुक्त रुपमा आयोजना गरेको प्रतियोगिताबारे आयोजकले आज काठमाडौंमा पत्रकार सम्मेलन गर्दै प्रतियोगिताबारे जानकारी दिएको हो।

प्रतियोगितामा २९ देशका १३ सय खेलाडी सहभागी हुने निश्चित भैसकेको छ भने  माघ ७ गते सम्म रजिट्रेसन दिने म्याद रहेको आयोजकले जनाएको छ। आयोजकका अनुसार पुम्सेतर्फ ६० र हाइ स्पिडतर्फ ३० गरी ९० विधाका खेल हुनेछन्।

प्रतियोगितामा इरान, सिरिया र रुवान्डाका खेलाडीले निःशुल्क सहभागी हुन पाउने छन्। 

प्रतियोगिता कोटेश्वर तेक्वान्दो डोजाङ हलम हुनेछ। प्रतियोगिताको उत्कृष्ट महिला तथा पुरुष खेलाडीले एक–एक सय अमेरिकी डलर पुरस्कार पाउनेछन् भने मस्ट पपुलर खेलाडीले १५० अमेरिकी डलर पुरस्कार पाउने छन्।

प्रतियोगितामा नेपालका ६ सय खेलाडीको सहभागिता रहने आयोजकले बताएको छ।