युभेन्टस कोपा इटालियाको क्वार्टरफाइनलमा

काठमाडौं– ओल्ड लेडिमा बुधबार राति सम्पन्न खेलमा जिनोआलाई हराउँदै युभेन्टस कोपा इटालियाको क्वार्टरफाइनलमा प्रवेश गरेको छ।

युभेन्टसले घरेलु मैदानमा पाहुना टिम जिनोआलाई ३–२ गोलले हराउँदै डेजन कुलुसेभ्स्कीले सुरुवाती गोल गरेका थिए।

खेलको दोस्रो मिनेटमै गोल गरेर कुलुसेभ्स्कीले युभेन्टसलाई अग्रता दिलाए भने  २३ औं मिनेटमा अल्भारो मोराटाले अग्रता दोब्बर बनाए।
तर २८ औं मिनेटमा लेन्नेट सिजबोराको गोलबाट लयमा फर्किएको जिनोआले दोस्रो हाफमा खेल बराबरी गर्यो।

७४ औं मिनेटमा फिल्पो मेलेगोनीले गोल गर्दै जिनोआलाई युभेन्टससँग २–२ गोलको बराबरीमा ल्याए। यससँगै निर्धारित ९० मिनेटसम्म खेल बराबरी भयो।

तर थपिएको अतिरिक्त समयमा (१०४ औं मिनेटमा) युभेन्टसका राफियाले गोल गरेपछि घरेलु टिम जित निकाल्न सफल भएको हो।

त्यस्तै बुधबार राति नै सम्पन्न अन्य खेलबाट जित निकाल्दै इन्टर मिलान र नापोली पनि कोपा इटालियाको क्वार्टरफाइलमा प्रवेश गरेका छन्।
अन्तिम १६ को खेलमा आज राति ससुओलोले स्पलसँग खेल्नेछ भने एटलान्टाले कालिग्रीको  सामना गर्नेछ।