ईपीएलमा सिटीको जित, बराबरीमा रोकियो टोटेनहम

काठमाडौं– म्यानचेस्टर सिटीले इंग्लिस प्रिमियर लिग(ईपीएल)मा ब्राइटोनविरुद्ध साँघुरो जित निकालेको छ।

बुधबार राति सम्पन्न खेलमा सिटीले पाहुना टिम ब्राइटोनलाई १–० गोलले हराएको हो। सिटीको जितका लागि ४४ औं मिनेटमा फिल फोडेनले निर्णायक गोल गरे। केभिन डिब्रुनले दिएको पासलाई उपयोग गर्दै फोडेनले निर्णायक गोल गरेका थिए।

जितसँगै सिटी अंकतालिकाको तेस्रो स्थानमा उक्लिएको छ।

गएराति नै सम्पन्न अर्को खेलमा टोटेनहम हट्सपर फुलहामसँग १–१ गोलको बराबरीमा रोकिएको छ। हटस्पर रंगशालामा सम्मन्न खेलमा सुरुआति अग्रता जोगाउन नसक्दा टोटेनहम बराबरीमा रोकिएको हो।

टोटेनहमका लागि ह्यारी केनले २५ औं मिनेटमा गोल गरेर अग्रता बनाए पनि फुलहामका इवान कावालेइरोले ७४ औं मिनेटमा बराबरी गरे।

बराबीसँगै टोटेनहम र फुलहामले अंक बाँडेका छन्। अंकतालिकामा टोटेनहम ३० अंकका साथ छैटौं स्थानमा छ भने फुलहाल रेलिगेसन जोनमा छ।