शुक्रबार, मंसिर १६, २०७९

अब ओलीसँग सहकार्य गर्न लाज हुन्छ

राजेन्द्र श्रेष्ठ, नेता, जनता समाजवादी पार्टी
नेपाल समय  |  काठमाडौं, सोमबार, फागुन १७, २०७७

नेपाल समय

नेपाल समय

सोमबार, फागुन १७, २०७७, काठमाडौं

नेपाल समय

संसद् विघटन गर्ने सरकारको निर्णयलाई सर्वोच्च अदालतले बदर गरेपछि प्रधानमन्त्री केपी शर्मा ओली राजीनामा नदिई अविश्वासको प्रस्ताव सामना गर्ने अडानमा छन्। भावी सरकारको खाका प्रस्ट नभई राजीनामा नदिने उनको भनाइ छ। त्यसैले अब संसद्मा दलहरू कसरी प्रस्तुत हुन्छन् भन्ने द्विविधा छ। नेकपाको दाहाल–नेपाल समूहले कांग्रेस र जनता समाजवादी पार्टी (जसपा) का नेताहरूसँग सहकार्यको प्रस्ताव गरेको छ। दुवै पार्टीले प्रस्ट धारणा सार्वजनिक गरिसकेका छैनन्। अब जसपाले कोसँग सहकार्य गर्छ, सरकारमा जान्छ या जाँदैन भन्ने विषयमा नेता राजेन्द्र श्रेष्ठसँग नेपाल समयका लागि बीपी अनमोलले गरेको संक्षिप्त कुराकानी : 

फागुन २३ मा बस्ने संसद् बैठकका लागि जसपाको तयारी कस्तो छ?

बैठकअघि विभिन्न दलहरूबीच सहमति गरेर अगाडि बढ्नुपर्ने हुन्छ। संसद् चलाउने सन्दर्भमा कार्यव्यवस्था परामर्श समितिमा पनि छलफल हुन्छ। यसअघि नै दर्ता भएको अविश्वासको प्रस्तावलाई निरन्तरता दिने या फिर्ता लिएर नयाँ पेस गर्ने भन्ने विषयमा छलफल भइरहेको छ। 

छलफलले कुनै निष्कर्ष निकालिसकेको छैन?

हामी छिट्टै पार्टीको बैठक बसेर आवश्यक निर्णयमा पुग्छौं।

तपाईंहरूको सहकार्य दाहाल–नेपाल समूहसँग या प्रधानमन्त्री ओलीमध्ये कोसँग हुन्छ?

दाहाल–नेपालसँगको छलफलका क्रममा हामीले आफ्ना कुरा स्पष्ट राखिसकेका छौं। संविधान संशोधन र सांसद रेशम चौधरीको रिहाइका विषयमा समझदारी भएपछि सहकार्यका लागि सोच्ने हो। त्यो नभएसम्म त हामी अघि बढ्दैनौं। 

तपाईंहरूलाई कोसँग सहकार्य गर्न सहज हुन्छ?

संविधान संशोधनमा सहमति गर्ने र रेशम चौधरीको रिहाइका लागि प्रस्ट कुरा ल्याउन सक्नेसँग हामी मिलेर अगाडि बढ्छौं। अर्को कुरा प्रधानमन्त्री ओलीको संसद् विघटन गर्ने कदमको विरोधीहरु सँगसँगै हिँड्नुपर्ने अवस्था छँदै छ। 

ओली कदमलाई कांग्रेसले सडकमा आएर अलोकतान्त्रिक, असंवैधानिक र प्रतिगामी भन्यो। हामीले पनि त्यसै भन्यौं। दाहाल–नेपालले पनि त्यही कुरो अघि सारेका छन्। त्यस कारण यी तीन शक्तिबीचको सहकार्य नै अबको गठबन्धन हुन्छ। हामी यसमा प्रस्ट छौं। 

नेकपा त कानुनी रूपमा विभाजन भएको छैन। अनि कसरी सहकार्य हुन्छ र?

राजनीतिक रूपमा नेकपा फुटिसकेको छ। कानुनी मान्यताका लागि दुवै समूह निर्वाचन आयोगमा गइसके। दाहाल–नेपाल समूहले केपी ओलीलाई साधारण सदस्यसमेत नरहने गरेर कारबाही गरिसक्यो। आयोगले त्यसको जानकारी पाइसकेको छ। त्यसैले अब केपी ओलीले आफूसँग केन्द्रीय सदस्य र संसदीय दलमा ४० प्रतिशत छ भने दाबी गर्न आयोगमा जानुपर्‍यो।

आयोगले सम्पूर्ण नियम, कानुन र नजिरसमेत बेवास्ता गर्न मिल्दैन। कि त प्रस्ट भन्नुपर्‍यो यो मिलेन भनेर। समय मात्र लगाएर त भएन नि। आयोग सत्ताको पक्षमा उभिनु हुँदैन। जसको पक्षमा बहुमत छ उसैले पार्टीको नाम र चुनाव चिह्न पाउँछ। राजनीति अगाडि बढिसकेको अवस्थामा कानुनी वैधता दिने विषयमा ढिलाइ गर्नुभएन। पार्टी औपचारिक विभाजन हुने कुरामा निर्वाचन आयोगले निर्णय लिने हो। त्यसैले आयोगलाई सबैले दबाब दिनुपर्छ।

निर्णयमा ढिलाइ भए नयाँ सरकार गठन प्रक्रिया थप जटिल बन्दैन?

त्यही त ‘दालमा कुछ काला है’ भनेजस्तै भएको छ। निर्वाचन आयोगले तुरुन्त निर्णय दिनुपर्छ। संकटका बेला निर्णय नदिएर समय लम्ब्याउने तर सत्ताको दबाब झेल्न नसक्ने हो भने आयोगलाई कसरी स्वतन्त्र भन्ने? 

सरकार बन्ने स्थिति बन्यो भने तपाईंहरू सहभागी हुने कि नहुने?

यसबारे निर्णय भएको छैन। हामी संविधान संशोधन र सांसद रेशम चौधरीको रिहाइ गर्ने विषय प्रस्ट रुपमा नआएसम्म सरकारमा सहभागी हुँदैनौं। 

हिजो पनि त ती सहमति भएर सरकारमा जानुभएको हो। तर कार्यान्वयन त भएन होइन?

ती कुरा अब वार्तापछि नै थाहा हुन्छ। कानुनीदेखि लिएर राजनीतिक लडाइँ छन्। समय साक्षेप हिसाबले शक्ति सन्तुलनका आधारमा राजनीति अगाडि बढ्छ। कानुनीका आधारमा कानुनी लडाइँ हुन्छ। यी दुवै कुरा प्रस्ट हुने गरी हामी अगाडि बढ्छौं।

प्रधानमन्त्रीले राजीनामा नदिएर संसद् नै फेस गर्ने भनिसक्नुभएको छ। यसबारे तपाईंहरूको धारणा के हो? 

संसद् विघटनलाई सर्वोच्च अदालतले गैरकानुनी र असंवैधानिक  भनिसक्यो। त्यस्तो स्थिति आइसकेपछि प्रधानमन्त्री केपी ओलीले नैतिकताका आधारमा तुरुन्तै राजीनामा दिनुपर्ने हो। तर, उहाँले त्यसो गरिरहनुभएको छैन। उहाँले यही संसद्मा बहुमत ल्याएर देखाउँछु भनिरहनुभएको छ।

संसद्को सामना गर्ने हिम्मत भएको भए विघटन गर्नैपर्ने थिएन। अहिले आएर एक दिन भए पनि एक घन्टा भए पनि सत्ता लम्ब्याउन भनेर सोचिरहनुभएको छ। यो उहाँको नीति र विधिसम्मत मानसिकता होइन। विधि र नीति नमान्ने मानिस नैतिक हुँदैन। ओलीजी नांगै भइसक्नुभएको छ तर, पनि अगाडि बढ्न खोजिरहेको अवस्था छ।

प्रधानमन्त्रीले त जसपाको समर्थन आफूलाई रहेको भन्दै आउनुभएको छ। खास कुरा के हो?

त्यो त अप्राकृतिक कुरा भयो। पद पाएँ भन्दैमा नर्कमै जान सुहाउँदैन। राजनीति त नैतिक मूल्यमान्यताका आधारमा हुनुपर्‍यो। सैद्धान्तिक र वैचारिक हुनुपर्‍यो। त्यसैले अहिले केपी ओलीलाई समर्थन गर्ने अवस्था छैन। नेपाली कांग्रेस, दाहाल–नेपाल समूहको नेकपासँगको सहकार्य नै प्राकृतिक हुन्छ।

सबै नीति, विचार, सिद्धान्त कुल्चिएर विश्वासघात गर्ने व्यक्तिसँगको गठबन्धन अप्राकृतिक हुन्छ। अप्राकृतिक गठबन्धन खालि पदका लागि हुन सक्छ। हामीले त नीति, विधि र संविधानसम्मत रूपमा अगाडि बढ्नपर्छ। अहिलेको अवस्थामा ओलीसँग गठबन्धनको चर्चा गर्नु नै लाजलाग्दो कुरा हो।


प्रकाशित: March 1, 2021 | 05:49:00 काठमाडौं, सोमबार, फागुन १७, २०७७

तपाईं को प्रतिक्रिया

ट्रेंडिंग

काठमाडौं महानगरको प्रस्टीकरण : तीन निकायको सहकार्यमा अनधिकृत सुकुम्बासी बस्ती हटाउँछौं

राष्ट्रिय भूमि आयोगले काठमाडौं नगरभित्रका सुकुम्बासीको समस्या समाधान गर्न ढिलाइ गरेपछि आफैं अगाडि सर्नुपरेको प्रस्टीकरण काठमाडौं महानगरले दिएको छ।

समानुपातिकतर्फ १ करोड मतगणना हुँदा कुन दललाई कति?

निर्वाचन आयोगका अनुसार आज बिहान ९ बजेसम्म एक करोड आठ लाख दुई हजार ९०७ मतगणना भएको छ।

देशव्यापी सांगीतिक यात्रामा निस्किँदै नेपथ्य

देशको पूर्वी कुनादेखि पश्चिम कुनासम्म आफ्ना लोक–रक धुन सुनाउने योजनाका साथ नेपथ्य यसै साता काठमाडौंबाट बाहिरिने भएको हो।

असुरक्षित सडकको सिकार भएका महावीर

वैज्ञानिक समाजवादी पार्टीमा जोडिएपछि सेलिब्रेटी छविप्रतिको मोह घट्दै गएको थियो। समानता र विभेदको अन्त्य उनका अर्जुन दृष्टि थिए। उनको उद्देश्य र काम जात व्यवस्था अन्त्य गर्नेमा केन्द्रित थियो।

के हो रामकुमारीको सन्देश?

खुलेको मुस्कानसहित उक्त तस्बिर सार्वजनिक भएपछि बाम एकताको आकलन धेरैले गरे। हुन पनि चुनावी मतपरिणाम आउँदै गर्दा बाम एकता गरेर नयाँ सरकार बनाउनुपर्ने धारणा एमाले र नेकपा एसका धेरै नेताको देखिन्छ।

धनुषा ४ मा कांग्रेसका यादवले ६८६ मतले लिए अग्रता

मतगणना जारी रहँदा नेपाली कांग्रेसका महेन्द्र यादवले आफ्नो अग्रता बढाउँदै लगेका छन्। मतगणनाको सुरुदेखि नै नेकपा (एमाले) रघुवीर महासेठले अग्रता लिएका थिए।

सरकार गठनको पहिलो प्रयास गठबन्धनले गर्ने, प्रधानमन्त्रीको दौडमा को–को?

सत्ता गठबन्धनकै सरकार बने प्रधानमन्त्री को? कांग्रेसभित्र कम्तीमा ५ आकांक्षी देखिँदा माओवादी अध्यक्ष प्रचण्ड पनि यसैको दौडधूपमा छन्।

धनुषा ४ मा रघुवीर महासेठलाई पछि पार्दै कांग्रेस उम्मेदवारको अग्रता

धनुषा ४ मा नेपाली कांग्रेसका उम्मेदवार महेन्द्र यादवले अग्रता लिएका छन्। आइतबार साँझबाट पछि परेका उनले पछिल्लो अपडेटअनुसार अग्रता कायम गरेका हुन्।

कर्जा-निक्षेप अनुपातमा राष्ट्र बैंक लचक

तोकिएको कर्जा–निक्षेप अनुपात नपुगे बैंक तथा वित्तीय संस्थालाई लाग्ने जरीवानालाई तरलता जोखिममा समेत आधारित हुने गरी पुनरवलोकन गर्न सकिने व्यवस्था गरी लचकता अपनााएको हो।

थप समाचार

नेपाल समय
संवाद

सरकार कांग्रेसकै नेतृत्वमा बन्छ, जनताको चाहनालाई केन्द्रमा राख्ने छौं : प्रकाशशरण महत [अन्तरवार्ता]

नयाँ पीढीको अपेक्षामा खरो उत्रिनुपर्ने देखियो। पार्टी, व्यक्तिको लाभहानीभन्दा माथि उठेर देश र जनताको लाभ हानीमा ध्यान केन्द्रित गर्नुपर्छ। उच्च कर्तव्यनिष्ठताका साथ रातदिन आफ्नो जिम्मेवारीप्रति पूर्ण जिम्मेवार भएर काम गर्नुपर्छ। त्यसपछि यो निराशाको माहौल हटेर हामीप्रति विश्वासको वातावरण बन्ने छ।
नेपाल समय
संवाद

मतदानको निष्पक्षतामा असर पार्ने जो कोहीलाई पनि कारबाही हुन्छ : दिनेशकुमार थपलिया [अन्तर्वार्ता]

मतदान शुरू हुने दिनभन्दा ४८ घण्टा अघिदेखि अर्थात आज राति १२ बजेदेखि मतगणना सम्पन्न नभएसम्म मदिरा बिक्री वितरण तथा सेवन गर्ने/गराउने कार्यलाई पूर्ण रूपले निधेष गर्ने व्यवस्था मिलाउन जिल्ला आचारसंहिता अनुगमन समिति र स्थानीय प्रशासनलाई सक्रिय बनाइएको छ।
नेपाल समय
संवाद

मकवानपुरबासीको मन र मत पाउन प्रत्यक्ष चुनावमा होमिएकी हुँः महालक्ष्मी उपाध्याय [अन्तर्वार्ता]

मैले सांसदमात्रै बन्न उम्मेदवारी दिएकी होइन। सांसद बन्नकै लागि भए समानुपातिकको पहिलो नम्बरमा बस्थें। नेताहरूले समानुपातिकको सूचीमा बस्न आग्रह गरे पनि प्रत्यक्षतर्फ नै उम्मेदवार बन्ने अठोट लिएर मकवानपुरबासीको मन र मत पाउन चुनावी मैदानमा होमिएकी हुँ।
नेपाल समय
संवाद

शेरबहादुरजीले विश्राम लिनुपर्छ, प्रधानमन्त्री म बन्छु : शशांक कोइराला

मान्छेले राजनीति किन गर्छ? राजनीति गरिसकेपछि सबैभन्दा माथिल्लो तलामा जाने चाहना हुन्छ। त्यो चाहना मेरो पनि छ। म प्रधानमन्त्रीको बलियो उम्मेदवार पनि हो। पार्टीभित्र कुरा भइसकेको छैन तर म प्रधानमन्त्री बन्न बलियो दाबी गर्ने व्यक्ति हुँ।
नेपाल समय
संवाद

दलका घोषणापत्र बनाउने अर्थविद् लेखनदास मात्रै हुन् : डा. विमल कोइराला [अन्तर्वार्ता]

राजनीतिक दलले जारी गरेका घोषणापत्र वाचाकबुल र आश्वासन दिने तर काम नगर्नेहरूको फेहरिस्त मात्र हो। राजनीतिक दलहरूका बीचमा कति हावादारी गफ लेख्ने भन्ने प्रतिस्पर्धा चलिरहेको छ। जसले बढी हावादारी कुरा घोषणापत्रमा लेख्छ, उही जनताको बीचमा लोकप्रिय हुन्छ भन्ने भ्रम छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना