'कोलमाया खड्ग बस्नेत स्मृति कप फुटबल प्रतियोगिता'आज समापन हुँदै, देउवाले सम्बाेधन गर्ने

सिन्धुपाल्चोक- सिन्धुपाल्चोकको बाह्रबीसे नगरपालिका-४ स्थित पालाँती अङ्गेरी पाखा खेल मैदानमा पुस २२ देखि जारी जिल्लास्तरीय  नाइन ए साइड ‘कोमलमाया खड्ग बस्नेत स्मृति कप फुटबल प्रतियोगिता' आज समापन हुँदैछ।

पालिकास्तरीय फुटबल प्रतियोगिताको फाइनल खेल मेलम्ची नगरपालिका र सुनकोसी गाउँपालिका बीच आज (मंगलबार) दिउँसो १२ बजे हुनेछ।

एक लाख ११ हजार १११ रूपैयाँ पुरस्कार राशिको प्रतियोगिताको समापन  समारोहलाई कांग्रेस सभापति तथा पूर्व प्रधानमन्त्री शेरबहादुर देउवाले सम्बोधन गर्ने कार्यक्रम छ। 

समापन समारोहमा कांग्रेस केन्द्रीय सदस्य तथा  खेलकुद विभाग प्रमुख मोहनबहादुर बस्नेत, खेलकुद विभागका केन्द्रीय सदस्य शिव आचार्यलगायत जिल्लाका नेताहरूले समेत सम्बाेधन गर्नेछन्। 

समापन समारोहका ख्यातिप्राप्त कलाकारहरूको प्रस्तुतिसमेत रहेको आयोजक कांग्रेस खेलकुद विभागले जनाएको छ।