बराबरीमा रोकिएपछि रियल मड्रिडले गुमायो शीर्षस्थानमा जाने मौका

अंकतालिकाको दोस्रो स्थानमा रहको रियल मड्रिड बराबरीमा रोकिएको छ।

नेपाल समय | आइतबार, पुस २६, २०७७

नेपाल समय

आइतबार, पुस २६, २०७७

बराबरीमा रोकिएपछि रियल मड्रिडले गुमायो शीर्षस्थानमा जाने मौका

काठमाडौं– अंकतालिकाको दोस्रो स्थानमा रहको रियल मड्रिड बराबरीमा रोकिएको छ।

ला लिगाको शनिबार राति सम्पन्न खेलमा साविक विजेता रियल मड्रिड ओसासुनासँग बराबरीमा रोकिएको हो।

ओसासुनाको मैदानमा रियलले दुई गोल मिस गरेपछि उसले शीर्षस्थानमा उक्लने अवसर गुमाएको हो। जहाँ फरवार्ड करिम बेञ्जेमाले अफसाइड गरेपछि उनी र कप्तान सर्जियो रामोसले गरेका दुवै गोल अफसाइड भएको थियो।

स्ट्रोम फिलोमेना नामक आँधीका कारण खेल हुने र नहुने दुविधा बढेको भए पनि खेल सम्पन्न भएको छ। यो आँधी स्पेनमा ५० वर्षयताको ठूलो भएको बीबीसीले जनाएको छ।

रियल गएराति अंक बाँडेसँगै उसको खातामा ३७ अंक छ। यता लगातार ११ खेलमा जितविहीन ओसासुना रेलिगेसन जोनमा छ।

त्यस्तै, ला लिगा अन्तर्गत गएराति नै सम्पन्न अर्को खेलमा छैटौं स्थानको सेभियाले पाँचौ स्थानको रियल सोसिडाडलाई ३–२ गोलले हराएको छ।

प्रकाशित: Jan 10, 2021| 00:31 आइतबार, पुस २६, २०७७