लिभरपुल एफए कपको चौथो राउन्डमा

काठमाडौं– एफए कप अन्तर्गत शुक्रबार राति सम्पन्न खेलमा लिभरपुलले एस्टोन भिल्लाविरुद्ध सहज जित निकालेको छ।

भिल्लाको मैदान भिल्ला पार्कमा सम्पन्न खेलमा लिभरपुलले ४–१ गोलको जित निकाल्ने क्रममा फरवार्ड साडियो मानेले दोहोरो गोल गरे।

मानेले कर्टिस जोन्सको पासमा खेलको चौथो मिनेटमा गोल गर्दै सुरुवाती अग्रता बनाएका थिए। तर ४१ औं मिनेटमा भिल्लाका लोउइ ब्यारीले गोल गर्दै अग्रता तोडेपछि खेल बराबरी भएको थियो।

तर दोस्रो हाफ लिभरपुलका लागि फलदायी बन्यो। जहाँ ६० औ मिनेटको पाँच मिनेट भित्रमा तीन गोल गर्यो। ६० मिनेटमा जर्जिनियो विज्नाल्दुमले गोल गरे भने ६३ औं मिनेटमा सानेले व्यक्तिगत दोस्रो गोल गरे।

त्यस्तै, ६५ औं मिनेटमा मोहम्मद सलाहले  गोल गरेपछि लिभरपुल ४–१ गोलले अघि रह्यो। सोही अन्तरको जितसँगै लिभरपुल एफए कपको चौथो रान्डमा प्रवेश गरेको छ।

पराजित भिल्लाको सिनियर टिमको मैदानमा कोरोनाभाइरसको संक्रमण फैलिएकाले उसको पहिलो टिमका कुनै खेलाडी टिममा थिएनन्।

यसकारण उसले यू–२३ का सात खेलाडी र यू–१८ खेलाडीका साथ खेल सुरु गरेको थियो।

एफए कप अन्तर्गत गएराति सम्पन्न अर्को खेलमा उल्भसले क्रिस्टल प्यालेससँग १–० गोलको साँघुरो जित निकालेको छ। जिसँगै उल्भसले पनि चौथो राउन्डमा प्रवेश पाएको छ।