पेचेतिनोको पहिलो खेलमा पीएसजी जितविहीन 

काठमाडौं- फ्रेन्च लिग १ अन्तर्गत बुधबार राति सम्पन्न खेलमा पेरिस सेन्ट जर्मेन (पीएसजी) सेन्ट इटिएनसँग बराबरीमा रोकिएको छ।

इटिएनको मैदानमा सम्पन्न खेलमा पीएसजी घरेलु टिमसँग १–१ गोलको बराबरीमा रोकिएको हो।

बराबरी गर्ने क्रममा घरेलु टिमका रोमिइन हमोउमाले सुरुआति गोल गरे। उनले खेलको १९ औं मिनेटमा घरेलु टिमलाई अग्रता दिए पनि पीएसजीले २२ औं मिनेटमा बराबरी गरिहाल्यो।

२२ औं मिनेटमा मार्को वेराट्टीले दिएको पासलाई सदुपयोग गर्दै मोइसे किनले गोल गरेर खेललाई बराबरीमा ल्याए। माउरिसियो पोचेतिनो प्रशिक्षकमा नियुक्त गरेपछि पीएजीको यो पहिलो खेल हो।

जसमा उनले बराबरीको सामना गरेका छन्। बराबरीसँगै अंक बाँडेको पीएसजी अंकतालिकाको दोस्रो स्थानमा छ। उसले १८ खेलबाट ३८ अंक जोडेर शीर्षस्थानको लियोनभन्दा एक अंक पछि परेको छ। यता अर्को क्लब इटिएन अंकतालिकाको १४ औं स्थानमा छ।

गएराति नै सम्पन्न अर्को खेलमा शीर्षस्थानको लियोनले लेन्सलाई ३–२ गोलले हराएको छ। त्यस्तै तेस्रो स्थानको लिल्ल भने एन्जर्ससँग २–१ गोलले पराजित भएको छ।