न्यूजिल्याण्ड पहिलोपटक टेस्ट वरीयताको शीर्षस्थानमा

काठमाडौं- न्यूजिल्याण्ड इतिहासमै पहिलोपटक विश्व टेस्ट वरीयताको शीर्षस्थानमा उक्लिएको छ।

पछिल्लो सिरिजको दोस्रो खेलमा उसले पाहुना टोली पाकिस्तानलाई एक इनिङ र १७६ रनले हराउँदै वरीयताको शीर्षस्थानमा उक्लिएको हो।

पाकिस्तानलाई दोस्रो इनिङमा १८६ रनमै समेट्न न्यूजिल्याण्डका बलर केलियन जेमिइसनले ४८ रन खर्च गर्दै छ विकेट गिराए।

उनले सानदार प्रदर्शन गरेको २० ओभरमा छ मेडन राखेका थिए। जेमिइसनले जीवनको छैटौं टेस्ट सिरिज मात्र खेल्दै छन्। जहाँ उनले ११ विकेट लिन सफल बने।

पाकिस्तानविरुद्धको जितसँगै न्यूजिल्याण्डले पछिल्ला छ टेस्ट खेल जितेको छ। त्यस्तै, २०१७ बाट घरेलु मैदानमा टेस्ट हारेको छैन।

अहिले न्यूजिल्याण्डका कप्तान केन विलियम्सन विश्व टेस्ट वरीयताको शीर्षस्थानका ब्याट्स्मेन हुन्। जहाँ न्यूजिल्यान्डकै निल वेग्नर र टिम साउथी तेस्रो र चोथो स्थानमा छन्।

अग्ला कदमा जेमिइसनले इन्डियाविरुद्ध डेब्यु गरेपछि ३६ विकेट लिइसकेका छन्।

जितसहित न्यूजिल्याण्ड विश्वक टेस्ट च्याम्पियनसिप तालिकामा पनि अष्ट्रेलिया र इन्डियापछि तेस्रो नम्बरमा छ।