साउथह्याम्टनसँग लिभरपुल पराजित

काठमाडौं– इंग्लिस प्रिमियर लिग(ईपीएल) अन्तर्गत सोमबार राति सम्पन्न खेलमा साविक विजेता लिभरपुल पराजित भएको छ।

साउथह्याम्टनको घरेलु मैदानमा भएको खेलमा लिभरपुलले १–० गोलको साँघुरो हार व्यहोरेको हो।

साउथह्याम्टनको जितका लागि ड्यानी इन्गसले निर्णायक गोल गरे। उनले खेलको दोस्रो मिनेटमै गोल गर्दै अग्रता बनाएका थिए। 

त्यसपछि लिभरपुलका सबै अवसर पोस्टमा छिर्न नपाएपछि खेल घरेलु टिमले जित्यो।

गएरातिको जितसँगै साउथह्याम्टनले सबै साविक विजेतालाई हराउने टिम बनेको छ। उसले सातवटै विजेता ग्रुपलाई जितपछिको सिजनमा हराएको छ।

लिभरपुलले ईपीएलका दुई खेलमा लगातार गोल गर्न सकेको छैन। अघिल्लो खेलमा उसले न्युकासलसँगै गोलरहित बराबरी खेलेको थियो। त्यस्तै पछिल्ला तीन खेलमा जित निकाल्न सकेको छ्रैन्।

यता जितसँगै १७ खेलबाट २९ अंक जोडेको साउथह्याम्टन शीर्षस्थानको लिभरपुल भन्दा चार अंक पछि छ। हारका बाबजुद लिभरपुलको शीर्षस्थान कायम छ।