बुन्डेसलिगामा बायर्नको सानदार र डर्टमुन्डको सहज जित

काठमाडौं- जर्मन बुन्डेसलिगा अन्तर्गत आइतरबार राति सम्पन्न खेलमा बोरुसिया डर्टमुन्डले वुल्सबर्गविरुद्ध २–० गोलको जित निकालेको छ।

डर्टमन्डको घरेलु मैदानमा सम्पन्न खेलमा जार्डन सान्चे र म्यानुइल एकान्जीको गोलको सहयोगमा डर्टमन्डले जित निकालेका हो।

जितसँगै २५ अंक जोडेको डर्टमुन्ड शीर्षस्थानको बार्यन भन्दा आठ अंकले पछि छ। यता पराजित वुल्भसबर्ग २४ अंकका साथ छैटौं स्थानमा छ।

त्यस्तै गएरातिको अर्को खेलमा शीर्षस्थानको बायर्नले माइन्जविरुद्ध ५–२ गोलको जित निकालेको छ।

बायर्नकै मैदानमा सम्पन्न खेलमा रोबर्ट लेवान्डोस्कीले दुई गोल गर्दा बायर्नले सानदार जित निकालेको हो।

जितका लागि लेवान्डोस्कीका अलावा जोसुवा किमिच, लेरोय साने र निक्लास सुलेले पनि समान १–१ गोल गरे।

यता माइन्जका जोनाथन बुर्कड्रार्ट र अलेक्जेन्डर हाकले पनि १–१ गोल गरेर नजितालाई ५–२ मा थाम्न सहयोग गरे।

लिगमा दशौं हारसंगै ६ अंक जोडेको माइन्ज अंकतालिकाको पुछारबाट दोस्रो स्थानमा छ।

अंकतालिकाको दोस्रो स्थानमा रहेको लाइप्जिकले शनिबार रातिको खेलमा सुटरगार्टलाई हराएको थियो। लाइप्जिकका ३१ अंक छ।