पीएम कप फाइनल : एपीएफलाई १०६ रनको लक्ष्य

प्रधानमन्त्री (पीएम) कप महिला टी–२० क्रिकेटको फाइनलमा प्रदेश १ ले सशस्त्र प्रहरीको विभागीय टिम एपीएफलाई १०६ रनको लक्ष्य प्रस्तुत गरेको छ।

नेपाल समय | आइतबार, पुस १९, २०७७

नेपाल समय

आइतबार, पुस १९, २०७७

पीएम कप फाइनल : एपीएफलाई १०६ रनको लक्ष्य

काठमाडौं – प्रधानमन्त्री (पीएम) कप महिला टी–२० क्रिकेटको फाइनलमा प्रदेश १ ले सशस्त्र प्रहरीको विभागीय टिम एपीएफलाई १०६ रनको लक्ष्य प्रस्तुत गरेको छ।

दाङको लमहीमा आइतबार दिउँसो जारी खेलमा प्रदेश १ ले १०६ रनको सामान्य लक्ष्य प्रस्तुत गरेको हो।

टस जितेर ब्याटिङ रोजेको प्रदेश १ ले सबै ओभर खेल्दै चार विकेटको क्षतिमा १०५ रन बनाएको छ।

ओपनरद्वय रुविना क्षेत्री र अप्सरी बेगमले ५८ रनको साझेदारी गरे। बेगम ३४ रनमा पेवेलियन फर्किइन् भने कप्तान क्षेत्रीले १८ रन जोडिन्।
उनीहरु दुवैलाई एपीएफकी कप्तान सीता राना मगरले पेवेलियन पठाएकी थिइन्।

तेस्रो नम्बरमा मैदान प्रवेश गरेकी काजल श्रेष्ठले अविजित २९ रन बनाइन् भने रोमा थापा र निशा शाहले सम्झनलायक प्रदर्शन गरेनन्।