जितको लयमा फर्कँदै आर्सनल

काठमाडौं– पाहुना टिम आर्सनलले घरेलु टिम वेस्ट बुमविरुद्ध फराकिलो जित निकालेको छ।

इंग्लिस प्रमियर लिग (ईपीएल) अन्तर्गत शनिबार राति सम्पन्न खेलमा आर्सनलले ४–० गोलको जित निकालेको हो।

आर्सनलको जितका लागि एलेक्जेन्डर लकाजेट्टले दुई गोल गरे भने  किइरन टियर्नी र बुकायो साकाले समान १–१ गोल गरे।

खेलको २३ औं मिनेटमा टियर्नीेले बनाएको अग्रतालाई साकाले २८ औं मिनेटमै दोब्बर गरेका थिए। यससँगै पहिलो हाफमा आर्सनल दुई गोलले अघि रह्यो।

दोस्रो हाफमा पाहुना टिमले दुई गोल नै थप्यो। यसपटक ६० औं र ६४ औं मिनेटमा लकाजेट्टले व्यक्तिगत दुई गोल गर्दै आर्सनललाई फराकिलो जित दिलाए।

लगातार लामो हारको शृंखला तोडेको आर्सनलले पछिल्ला तीन खेलमा लगातार जित निकालिरहेको छ। जितसँगै आर्सनल अंकतालिकामा ११ औं स्थानमा उक्लिएको छ।

आर्सनलले १७ खेलबाट २३ अंक जोडेको छ। त्यस्तै वेस्ट ब्रुम पुछारबाट दोस्रो स्थानमा छ।

गएराति नै सम्पन्न खेलमा ब्राइटोनले घरेलु मैदानमा आर्सनलसँग ३–३ गोलको बराबरी गरेको छ भने क्रिस्टल प्यालेसले शेफिल्ड युनाइटेडलाई २–० गोलले हराएको छ।