बागमती प्रदेशका ३ मन्त्रीद्वारा राजीनामा घोषणा

बागमती प्रदेश सरकारका ३ जना मन्त्रीले राजीनामा दिएका छन्। नेकपाको दाहाल–नेपाल समूहका मन्त्रीले राजीनामा दिएका हुन्।

नेपाल समय | शुक्रबार, पुस १०, २०७७

नेपाल समय

शुक्रबार, पुस १०, २०७७

बागमती प्रदेशका ३ मन्त्रीद्वारा राजीनामा घोषणा

काठमाडौं– बागमती प्रदेश सरकारका ३ जना मन्त्रीले राजीनामा दिएका छन्। नेकपाको दाहाल–नेपाल समूहका मन्त्रीले राजीनामा दिएका हुन्।

राजीनामा घोषणा गर्ने मन्त्रीहरुमा आन्तरिक मामिला तथा कानुनमन्त्री शालिकराम जमकट्टेल, उद्योग पर्यटन तथा वातावरणमन्त्री अरुण नेपाल र सामाजिक विकासमन्त्री युवराज दुलाल छन्।

प्रतिनिधिसभा विघटनपछि नेकपामा चुलिएको विवादको असर प्रदेश सरकारमा पनि देखिएको हो। दाहाल–नेपाल समूहले बागमती प्रदेशका मुख्यमन्त्री डोरमणि पौडेलविरुद्ध अविश्वासको प्रस्ताव दर्ता गरेको छ।

नेकपा बागमती प्रदेश संसदीय दलका उपनेता शालिकराम जमकट्टेलको नेतृत्वमा मुख्यमन्त्री पौडेलविरुद्ध अविश्वासको प्रस्ताव दर्ता भएको हो। ४६ जना सांसदको हस्ताक्षरसहित मुख्यमन्त्री पौडेलविरुद्ध अविश्वासको प्रस्ताव दर्ता गराइएको छ।

प्रकाशित: Dec 25, 2020| 06:29 शुक्रबार, पुस १०, २०७७