सात जना मन्त्री थप्दै प्रधानमन्त्री ओली

काठमाडौं- नेपाल कम्युनिष्ट पार्टी (नेकपा) ओली समूहका प्रवक्ता प्रदीप ज्ञवालीले मन्त्रिपरिषद् पुर्नगठन छिट्टै हुने बताएका छन्।

उक्त समूहको बिहीबार भएको तेस्रो बैठकको निर्णयबारे जानकारी गराउँदै उनले केन्द्रीय कमिटी बैठक सकिएपछि पहिलो काम मन्त्रिपरिषद् विस्तार हुने बताए। 

यही पुस ५ गते सरकारका सात जना मन्त्रीले राजीनामा दिएको घोषणा गरेका थिए। उनीहरुको राजीनामासँगै रिक्त भएका मन्त्रालयमा नयाँ मन्त्रीलाई जिम्मेवारी दिने प्रधानमन्त्री ओलीले तयारी गरेका हुन्। 

प्रवक्ता ज्ञवालीले वर्तमान प्रधानमन्त्री केपी शर्मा ओली कामचलाउ प्रधानमन्त्री नभएको पनि दाबी गरे। 

प्रधानमन्त्री ओलीले मन्त्रिपरिषद् पुनर्गठन गर्ने तयारी गरेसँगै मन्त्री बन्ने आकांक्षीहरु बढेका छन्। 

नयाँ बन्ने मन्त्रीहरुको सूचीमा टोपबहादुर रायमाझी, छविलाल विश्वकर्मा, विशाल भट्टराई, महेश बस्नेत, खगराज अधिकारी, प्रेम आले, पदम गिरी, कृष्णकुमार श्रेष्ठ, गणेशसिंह ठगुन्ना, नारदमुनी राना, नवराज सिलवाल, दलबहादुर रानालगायतको नाम रहेको स्रोतको दाबी छ।