प्रदेश १ : १०० जना संक्रमणमुक्त, ६३ संक्रमित थपिए

विराटनगर- पछिल्लो २४ घण्टामा प्रदेश १ मा १०० जना कोरोना संक्रमणमुक्त भएका छन्। 

होम आइसोलेसनमा रहेका ९३, वीपी कोइराला स्वास्थ्य विज्ञान प्रतिष्ठानमा उपचार गराइरहेका चार र विराट मेडिकल कलेजमा रहेका तीनजना संक्रमित कोरोना संक्रमणमुक्त भएका हुन्। 

हालसम्म संक्रमणमुक्त हुनेको संख्या २५ हजार ४९५ पुगेको छ।

प्रदेश १ मा मंगलबार ६३ जना संक्रमित थपिएका छन्।

मोरङमा ३३, सुनसरीमा १८, झापामा तीन, उदयपुर र तेह्रथुममा २–२ र प्रदेश १ बाहिरका पाँचजनामा संक्रमण देखिएको सामाजिक विकास मन्त्रालयले जनाएको छ।

प्रदेश १ मा कोरोना संक्रमितको संख्या २९ हजार ४८९ पुगेको छ। 

प्रदेश १ मा मंगलबार ५४४ जनाको पीसीआर परीक्षण गरिएको छ।

परीक्षण गरिएकामध्ये ३४ महिला र २९ पुरुषको रिपोर्ट पोजिटिभ आएको हो।

हालसम्म दुई लाख पाँच हजार ५५० जनाको पीसीआर परीक्षण गरिएको सामाजिक विकास मन्त्रालयले जनाएको छ।