आज ८ सय वर्षपछि बृहस्पति र शनि पृथ्वीको सबैभन्दा नजिक आउने

करिब ८ सय वर्षपछि आज सौर्यमण्डलका दुई ग्रह बृहस्पति र शनि पृथ्वीबाट सबैभन्दा नजिकको दूरीमा देखिने भएको छ ।

नेपाल समय | सोमबार, पुस ६, २०७७

नेपाल समय

सोमबार, पुस ६, २०७७

आज ८ सय वर्षपछि बृहस्पति र शनि पृथ्वीको सबैभन्दा नजिक आउने

काठमाडौं- करिब ८ सय वर्षपछि आज सौर्यमण्डलका दुई ग्रह बृहस्पति र शनि पृथ्वीबाट सबैभन्दा नजिकको दूरीमा देखिने भएको छ ।

८ सय वर्ष पछि हुन लागेको यो दुर्लभ संयोगलाई पृथ्वीबाट सहजै देख्न सकिने र नांगो आँखाले समेत हेर्न मिल्ने खगोलविदहरुले बताएका छन् ।

आज सूर्यास्तपछि दक्षिणतिरको आकाशमा बृहस्पति र शनिलाई मुलुकका जुनसुकै ठाउँबाट देख्न सकिने उनीहरुको भनाइ छ ।

सन् १६२३ मा पनि बृहस्पति र शनि यस्तै नजिकको दूरीमा आएका थिए । अब यस्तो घटना कम्तिमा ६० बर्षसम्म नहुने र सन् २०८० अगाडि यस्तो संयोजन हेर्न नपाइने नासाले जनाएको छ ।

अरुबेला पृथ्वीबाट सामान्य अवस्थामा बृहस्पति र शनि गृह सजिलै देख्न सकिँदैनथ्यो । तर अहिले यी दुई ग्रह पृथ्वीबाट सबैभन्दा नजिकको दूरीमा रहने हुँदा सहजै अवलोकन गर्न सकिनेछ ।

प्रकाशित: Dec 21, 2020| 04:50 सोमबार, पुस ६, २०७७