'ओलीले संवैधानिक ‘कू’ गरे, यसका विरुद्ध एकजुट हुनुपर्छ'

जनता समाजवादी पार्टीका नेता राजेन्द्र महतोले संसद् विघटन गर्ने प्रस्ताव अघि सारेर प्रधानमन्त्री केपी शर्मा ओलीले संवैधानिक ‘कू’ गरेको बताएका छन्।

नेपाल समय | आइतबार, पुस ५, २०७७

नेपाल समय

आइतबार, पुस ५, २०७७

'ओलीले संवैधानिक ‘कू’ गरे, यसका विरुद्ध एकजुट हुनुपर्छ'

काठमाडौं– जनता समाजवादी पार्टीका नेता राजेन्द्र महतोले संसद् विघटन गर्ने प्रस्ताव अघि सारेर प्रधानमन्त्री केपी शर्मा ओलीले संवैधानिक ‘कू’ गरेको बताएका छन्।

प्रधानमन्त्री ओलीले आइतबार राष्ट्रपति समक्ष संसद विघटनको सिफारिस गरेका छन्। ओलीको यो कदमको चौतर्फी आलोचना भइरहेको छ। नेता महतोले ओलीले लोकतन्त्र विरोधी काम गरेको बताए।

‘यो असंवैधानिक कदम हो। लोकतान्त्रिक मूल्य मान्यविपरीतको काम भएको छ। यो संवैधानिक कू समेत हो,’ उनले भने, ‘ओलीको लोकतन्त्र विरोधी कदमका विरुद्ध एकजुट हुनुपर्छ। हामी अनौपचारिक छलफल गरिरहेका छौं। आगामी रणनीति चाँडै तय गरेर अघि बढ्नेछौं।’

प्रकाशित: Dec 20, 2020| 07:12 आइतबार, पुस ५, २०७७