प्रदेश १ मा १४३ डिस्चार्ज, ४३ संक्रमित थपिए

विराटनगर- पछिल्लो २४ घण्टामा प्रदेश १ मा १४३ कोरोना संक्रमित डिस्चार्ज भएका छन्।

होम आइसोलेसनबाट १२०, कोशी अस्पताल कोभिड १९ उपचार केन्द्रबाट १६, विराट मेडिकल कलेजबाट ४, बीपी कोइराला स्वास्थ्य विज्ञान प्रतिष्ठान धरानबाट २ र न्यूरो अस्पतालबाट १ जना डिस्चार्ज भएका हुन्। हालसम्म डिस्चार्ज हुनेको संख्या २४ हजार ३९० पुगेको छ।

प्रदेश १ मा शुक्रबार ४३ जना कोरोना संक्रमित थपिएका छन्। सुनसरीमा १४, मोरङमा १२, झापामा ६, ताप्लेजुङमा २, संखुवासभा र खोटाङमा १–१ र प्रदेश १ बाहिरका ७ जना रहेको सामाजिक विकास मन्त्रालयले जनाएको छ।

सुनसरीको इटहरीमा ७, धरानमा ५ र रामधुनीमा २, मोरङको विराटनगरमा ५, केराबारी र ग्रामथानमा २–२, उर्लाबारी, लेटाङ र स्थानीय तह नखुलेका १–१, झापाको विर्तामोड र दमकमा २–२, भद्रपुर र बुद्धशान्तिमा १–१, ताप्लेजुङको पाथीभरा याङवरक र मैंवाखोलामा १–१, संखुवासभाको खाँदबारी र खोटाङको खोटेहाङमा १–१ र प्रदेश १ बाहिरका ७ जनामा संक्रमण देखिएको मन्त्रालयले जनाएको छ। प्रदेश १ मा कोरोना संक्रमितको संख्या २९ हजार २३० पुगेको छ। 

प्रदेश १ मा शुक्रबार ५६२ जनाको पीसीआर परीक्षण गरिएको छ। परीक्षण गरिएकामध्ये २१ महिला र २२ पुरुषको रिपोर्ट पोजेटिभ आएको हो। हालसम्म २ लाख ३ हजार ४२६ जनाको पीसीआर परीक्षण गरिएको सामाजिक विकास मन्त्रालयले जनाएको छ।