२०३० को एसियाली खेलकुद कतारको दोहामा

काठमाडौं- सन् २०३० को एसियाली खेलकुदा  कतारको दोहामा हुने भएको छ।

हिजो (बुधबार) एसियन ओलम्पिक काउन्सिल (ओसीए) को साधारणसभाले  सन् २०३० काे एसियाली खेलकुद  कतारमा हुने निर्णय गरेकाे हो।

२०३४ को प्रतियोगिता भने साउदी अरेबियाको रियादमा हुने पनि काउन्सिलले निर्धारण गरेको छ।

२०३० को प्रतियोगिताका लागि साउदी अरब र कतारले दाबी गरेका थिए। यस कारण ओसीएले भोटमार्फत प्रतियोगिताको आयोजक राष्ट्रको टुंगो लगाएको हो।

‘सबैभन्दा धेरै भोट पाउने सहरले २०३० को प्रतियोगिता आयोजना गर्ने सहर दोहा हो,’ ओसीएका अध्यक्ष सेख अहमद अल फहद अल सबाहले भने, ‘त्यस्तै २०३४ को आयोजना भने रियादमा हुनेछ।’

दोहाले रियादले भन्दा धेरै भोट पाएकाले उसले २०३० को प्रतियोगिता आयोजना गर्ने अवसर पाएको हो।

कतारले २००६ मा एसियन गेम्सको १५ औं संस्करणको आयोजना गरिसकेको छ। तर साउदी अरेबियाका लागि २०३४ को आयोजना पहिलो हुनेछ।

गत अप्रिलमा कतार ओलम्पिक कमिटिका अध्यक्ष सेख जोन थियानीले फेरि प्रतियोगिता आयोजना गर्ने समय आएको बताएका थिए।

कतारले २०२२ को फिफा विश्वकप पनि आयोजना गर्दै छ।