उखु किसानलाई भुक्तानी नदिने मिल सञ्चालकलाई पक्राउ पूर्जी जारी 

काठमाडौं-  किसानबाट उखु खरिद गरेर त्यसको भुक्तानी नदिने चिनी मिलका सञ्चालकलाई सरकारले पक्राउ पूर्जी जारी गरेको छ।

गृहमन्त्रालयले आवश्यक कार्वाहीका लागि निर्देशन दिएपछि सम्बन्धित जिल्ला प्रशासन कार्यालयले सञ्चालकलाई पक्राउ गर्न पूर्जी जारी गरेका हुन्।

वर्षौंदेखिको वक्यौता नपाएका किसानहरु काठमाडौंमा आएर धर्ना दिन थालेपछि गृहमन्त्रालयले मंगलबार कारबाहीका लागि जिल्ला प्रशासन कार्यालयहरुलाई निर्देशन दिएको थियो। 

मन्त्रालयको निर्देशनपछि सम्बन्धित जिल्ला प्रशासन कार्यालयहरुले त्यस्ता पाँचजना मिल सञ्चालकविरुद्ध पक्राउ पूर्जी जारी गरेको गृहमन्त्रालय स्रोतले जानकारी दिएको छ।

किसानलाई विभिन्न ८ चिनी मिलले करिब १ अर्ब २९ करोड रुपैयाँ भुक्तानी गर्न बाँकी छ। 

जिल्ला प्रशासन कार्यालयहरुले इन्दिरा सुगर मिल् िर अन्नपूर्ण सुगर मिलका राकेश अग्रवाल, लुम्बिनी सुगर मिलका सुशीला गोयल, श्रीराम सुगर मिलका हितेश गोल्छा, विशाल अग्रवाल र अनुज अग्रवाल लगायत विरुद्ध पक्राउ पूर्जी जारी गरेको बुझिएको छ।