बुन्डेसलिगा : बराबरीमा रोकिए शीर्षस्थानका बायर्न, लाइप्जिक र डर्टमुन्ड

काठमाडौं– जर्मन शीर्ष लिग बुन्डेसलिगा अन्तर्गत शीर्षस्थानका दुई टिम बायर्न र आरबी लाइप्जिकले ३–३ गोलको बराबरी खेलेका छन्।

बायर्नको घरेलु मैदानमा सम्पन्न खेलमा पछि परेको अवस्थाबाट बायर्नले खेललाई बराबरीमा ल्याएको थियो।

बराबरीका लागि बायर्नका थोमस मुलरले दुई गोल गरे भने जमल मुसियालाले एक गोल गरे। त्यस्तै, लाइप्जिकका लागि क्रिस्टोफर एनकुकु, जस्टिन लुइवर्ट र इमिल फर्सबर्गले समान १–१ गोल गरेका थिए।

बराबरीसँगै बायर्नको २३ अंक छ भने लाइप्जिकको २१ अंक छ।

गए रातिकै अर्को खेलमा तेस्रो स्थानको बोरुसिया डर्टमुन्डले आठौं स्थानको आइन्ट्राक्ट फ्रान्कफर्टसँग १–१ गोलको बराबरी खेलेको छ।

फ्रांकफर्टको घरेलु मैदानमा सम्पन्न खेलमा बराबरीका लागि घरेलु टिमका दाइची कमडा र पाहुना टिमका गिओवान्नी रियनले गोल गरेका थिए।
बराबरीसँगै १९ अंक बनाएको डर्टमुन्ड तेस्रो स्थानमा छ।