डर्टमुन्ड च्याम्पियन्स लिगको अन्तिम १६ मा

काठमाडौं– जर्मन क्लब बोरुसिया डर्टमुन्ड च्यापियन्स लिगको बुधबार राति सम्पन्न खेलमा इटालियन क्लब लाजियोसँग बराबरीमा रोकिएको छ।

डर्टमुन्डको मैदानमा सम्पन्न खेल १–१ गोलको बराबरीमा रोकिए पनि ऊ समूह एफबाट नकआउट खेल्ने टुंगो लागेको छ।

डर्टमुन्डका राफेल गुइरेरोले ४४ औं मिनेटमा गोल गरेर बनाएको अग्रता सिरो इमोवाइलले ६७ औं मिनेटमा बराबरी गरेपछि खेल बराबरीमा रोकिएको थियो।

क्लबका लागि शीर्ष गोलकर्ता इर्लिङ ब्रुट हाल्यान्ड ह्यामस्ट्रिङ इन्ज्युरीका कारण मैदानबाहिर छन्। उनले जारी लिग ६ गोल गरिसकेका छन्। यसकाण खेलको पहिलो हाफमा डर्टमुन्डले फरवार्ड लाइनमा उनको अनुपस्थित महशुस गरेको थियो।

यता लाजियोलाई अघिल्लो चरणमा जानका लागि अर्को एक खेलमा जित वा बराबरी आवश्यक पर्ने भएको छ।

समूह इफमा डर्टमुन्ड १० अंकका साथ शीर्षस्थानमा छ भने लाजियो ९ अंकका साथ दोस्रो स्थानमा छ। त्यस्तै, क्लब ब्रुग ७ अंकका साथ तेस्रो स्थानमा छ।
गएराति नै सम्पन्न खेलमा क्लब ब्रुगले जेन्टलाई ३–० गोलले हराएको छ।