युरोपेली देशमा अबको एक महिनामा खोप उपलब्ध हुने !

कोरोना भाइरसविरुद्धको खोप अबको एक महिना भित्रमा युरोपेली मुलुकमा उपलब्ध हुने भएको छ ।

नेपाल समय | बुधबार, मंसिर १७, २०७७

नेपाल समय

बुधबार, मंसिर १७, २०७७

युरोपेली देशमा अबको एक महिनामा खोप उपलब्ध हुने !

काठमाडौं– कोरोना भाइरसविरुद्धको खोप अबको एक महिना भित्रमा युरोपेली मुलुकमा उपलब्ध हुने भएको छ ।

जर्मन बायोएनटेक औषधि निर्माता कम्पनी र यसको अमेरिकी साझेदार फाइजरले आफूले तयार पारेको कोभिड–१९ विरुद्धको खोप युरोपेली युनियनमा आबद्ध देशमा प्रयोग गर्न आवेदन दिएको छ ।

यदि यो आवेदन युनियनले स्वीकृत गरेमा युरोपेली देशमा यसै वर्षको अन्त्यअघि अर्थात अबको एक महिनापछि खोप उपलब्ध हुने भएको हो ।

दुवै कम्पनीका तर्फबाट निकालिएको विज्ञप्तिमा युरोपेली मेडिसिन एजेन्सी ईएमएमा औपचारिक निवेदन दिइएको उल्लेख छ ।

युरोपेली नियामक निकायले फाइजरले पेस गरेको विवरणको मूल्याङ्कन गरी खोप लगाउन उपयुक्त रहेरनरहेको विश्लेषण गरी स्वीकृति दिइने जनाएको छ ।

यस्तै फाइजर र बायोएनटेकले अमेरिकामा पनि खोप वितरण गर्ने गरी अमेरिकी खाद्य तथा औषधि प्रशासन एफडीए समक्ष निवेदन दिइसकेको छ ।

फाइजर र बायोएनटेकले अस्ट्रेलिया, क्यानाडा र जापान लगायतका देशका नियामक निकायमा पनि आवेदन दिइने जनाएको छ ।

विश्वमा बन्दै गरेका खोपमध्ये फाइजर र बायोएनटेकले बनाएको खोप सबैभन्दा बढी प्रभावकारी देखिएको अनुसन्धानबाट खुलेको छ ।

प्रकाशित: Dec 02, 2020| 01:00 बुधबार, मंसिर १७, २०७७