युरोपा लिगमा आर्सनलको सानदार जित

काठमाडौं- युरोपा लिगअन्तर्गत बिहीबार राति सम्पन्न खेलमा आर्सनलले मोल्डेविरुद्ध सानदार जित हात पारेको छ । मोल्डेको अकर रंगशालामा सम्पन्न खेलमा पाहुना टिमले ३-० गोलको जित निकालेको हो।

आर्सनलको जितको लागि निकोलस पेपे, रिइस नेल्सन र फोलारिन बोलोगनले समान १–१ गोल गरेका थिए। गोलरहित बराबरीमा पहिलो हाफ सकिएको खेलमा सबै गोल दोस्रो हाफमा भएका थिए। 

खेलको जे विल्लोकले पास उपलब्ध गराएपछि पेपेले आर्सनलको लागि सुरुवाती गोल गरेका थिए।

त्यस्तै, विल्लोककै पासमा नेल्सनले गोल गरेपछि आर्सनलले अग्रता दोब्बर बनाएको थियो। खेलको ८३ औं मिनेटमा बोलोगनले गोल गर्दै आर्सनललाई सहज जित दिलाए।

जितसहित इंग्लिस क्लब समूह बीको शीर्षस्थानमा छ। उसको १२ अंक छ। यससँगै उ लिगको नक आउट चरण प्रवेश गरेको छ। इता दास्रो स्थानको मोल्डेको भने ६ अंक छ।

समान ६ अंक भएको र्यापिड विन तेस्रो स्थानमा छ।

बिहीबार राति नै सम्पन्न खेलमा इटालियन क्लब एसी मिलानले फ्रेन्च क्लब लिल्लेसँग १–१ गोलको बराबरी खेलेको छ।