राष्ट्रिय क्रिकेट टिमको बन्द प्रशिक्षण सुरु
काठमाडौं– नेपाली राष्ट्रिय क्रिकेट टिमको बन्द प्रशिक्षण आजबाट सुरु भएको छ।
नेपाल क्रिकेट संघ (क्यान) ले त्रिभुवन विश्वविद्यालय कीर्तिपुरको क्रिकेट मैदानमा प्रशिक्षण सुरु गरेको हो।
प्रशिक्षणअघि कोरोना परीक्षणको लागि खेलाडीहरूको स्वाब संकलन गरिएको थियो।
परीक्षणमा कप्तान ज्ञानेन्द्र मल्लसहित उपकप्तान दिपेन्द्र सिंह ऐरी र रोहित शर्मालाई कोरोना देखिएको छ।
अन्य खेलाडीले भने बन्द प्रशिक्षणमा सहभागी भएका छन्।
क्यानले दोस्रो सूचना निकाल्दै पाँच खेलाडीलाई बन्द प्रशिक्षण समावेश गरेको छ।
विक्रम शोव, अनिल साह, कुशल भुर्तेल, रित गौतम र लोकेश बम थपिएका खेलाडी हुन्।
नेपाली राष्ट्रिय टिमले गत फागुनमा सम्पन्न एसीसी इस्टर्न रिजनको खेलपछि प्रशिक्षण गरेको थिएन।
बन्द प्रशिक्षणमा २७ खेलाडी छन्। जसमा तीन खेलाडी कोरोना संक्रमणमुक्त भएपछि प्रशिक्षणमा सहभागी हुने छन्।
अहिले प्रशिक्षक जगत टमाटाले प्रशिक्षण गराइरहेका छन्। चैतयता राष्ट्रिय क्रिकेट टिम पहिलोपटक मैदान फर्किएको हो।
एसी मिलानसँग नेपोली पराजित
चेन्नईमाथि राजस्थानको संघर्षपूर्ण जित
जिरोनाको गोलरक्षकका सामु निरिह बन्दा बार्सिलोना गोलरहित बराबरीमा
बैंगलोरमाथि लखनउलाई एक रनको रोमाञ्चक जित
सम्पर्क
फोन : +977-1-4790040/+977-1-4790242
इमेल : nepalsamayanews@gmail.com