क्रिकेट म्यानेजरका लागि ७ जनाको अन्तर्वार्ता

काठमाडौं– क्रिकेट म्यानेजर पदको लागि नेपाल क्रिकेट संघ (क्यान)ले ७ जना उम्मेद्वारको अन्तर्वार्ता लिएको छ।

क्यानले आज (आइतबार) सूचना सार्वजनिक गर्दै ७ उम्मेद्वारको अन्तर्वार्ता लिएको जानकारी दिएको छ।

संघले गत अक्टोबरमा मुख्य प्रशिक्षक, क्रिकेट म्यानेजरसहित विभिन्न पदमा दरखास्त आह्वान गरेका थियो। सो आह्वानमा ४५ जना उम्मेद्वारले आवेदन दिएका थिए। जसमा पहिलो चरमा २० जना सहभागी गराइएको थियो भने आज सम्पन्न दोस्रो चरणमा ७ जनाको अन्तर्वार्ता लिएको क्रिकेट म्यानेजर छनोट समितिले बताएको छ।

पाँच सदस्सीय समितिमा तीन जना क्यानका पदाधिकारी, एक क्रिकेट विज्ञ र एक जना आईसीसीका प्रतिनिधि छन्। त्यस्तै, क्यालने १२ जना मुख्य प्रशिक्षकको अन्तर्वार्ता सम्पन्न गरी मंसिर दोस्रो हप्ता हेड कोच नियुक्त गरिने यसअघि नै बताएको छ।

नेपाली राष्ट्रिय टोलीको प्रशिक्षण मंसिर १० गतेबाट सुरु हुँदै छ।