चेल्सीको जितपछि प्रशिक्षक लाम्पार्डले भने: नम्र रहनुपर्छ

काठमाडौं– इंग्लिस प्रिमियर लिग(ईपीएल) अन्तर्गत शनिबार राति सम्पन्न खेलमा न्युकासलविरुद्धको जितसहित चेल्सी दोस्रो स्थानमा उक्लिएको छ।

जितपछि प्रशिक्षक फ्रांक लाम्पार्डले चेल्सीले नम्र रहनुपर्ने बताएका छन्। खेलमा न्युकासलका फ्रेडरिको फर्नान्डेसले १० औं मिनेटमा आफ्नै पोस्टमा गोल गरेपछि चेल्सीले सुरुवाती अग्रता पाएको थियो। तर पहिलो हाफमा गोल गर्न नसक्दा एक गोलले मात्र अघि रह्यो।

यता दोस्रो हाफमा टामी अब्राहमले गोल गरेपछि भने चेल्सी सहज अवस्थामा पुगेको थियो। अब्राहमले खेलको ६५ औं मिनेटमा गोल गरे भने गोलका लागि विंगर टिमो वेर्नरले पास उपलब्ध गराएका थिए।

उनको गोलसँगै चेल्सीले साउथह्याम्टनविरुद्ध २–० गोलको जित निकोल्न सफल रह्यो। 

ईपीएलको जारी सिजनमा पाँचै जित निकालेको चेल्सीले सबै प्रतियोगिताका पछिल्ला पाँच खेलमा लागता रजित निकाल्दै आएको छ।

घरेलु लिगको जारी भने उसले तीन बराबरी र एक पराजयसमेत बेहोरेको छ। यता साउथह्याम्टन १६ अंकका साथ पाँचौ स्थानमा छ।

‘मलाई थाहा छ, टिममा इम्प्रुभमेन्ट र लगन अझै धेरै जरुरी छ। हामी खेलप्रति नम्र रहनुपर्छ,’ प्रशिक्षक लाम्पार्डले खेलपछि भने।

शनिबार राति नै सम्पन्न अर्को खेलमा म्यानचेस्टर युनाइटेडले वेस्ट ब्रोममाथि १–० गोलको सहज जित निकालेको छ।