अफगानिस्तान : तालिबानमाथि आईएस-के आक्रमणको सन्देश के हो?

काबुल- अफगानिस्तानमा अशरफ घानीको सरकार हुँदा तालिबानसँगै मिलेर अफगानी सुरक्षा बलसँग लडेको इस्लामिक स्टेट खोरासन (आईएस-के) अहिले तालिबान सरकारसँग नै लडिरहेको छ।

अफगानिस्तानको नंगरहार र जलालवाद क्षेत्रमा आफ्नो प्रभुत्व कायम गरेको आईएस-के तत्कालीन अफगान सरकारको निशाना बनेको थियो। १५ अगस्तमा आईएस-केसँगै लडिरहेको तालिबानले अफगानिस्तानको सत्ता कब्जा गरेको घोषणा गर्‍यो। 

तालिबानको उक्त घोषणापछि आईएस-केले तालिबानलाई आफ्नो दुश्‍मन बनाएको छ। अफगानिस्तानबाट अमेरिकी तथा विदेशी सेना फिर्ता भएसँगै अब आईएस-के आक्रमणको खतरा बढेको छ। 

अमेरिकी सेना फिर्ताको तयारी गरिरहेको समयमा तालिबानले काबुल विमानस्थलमा व्यापक सुरक्षा दिँदादिँदै आईएस-के ले २६ सेप्टेम्बरमा आत्मघातीय विस्फोट गराएको थियो। उक्त विस्फोटमा १३ अमेरिकी सुरक्षाकर्मीसँगै १५० भन्दा बढीको मृत्यु भएको थियो। 

पछिल्लो समय जलालावादमा आईएस-केले तालिबानी गाडीमाथि आक्रमण गरेको हो। उक्त आक्रमणमा दुई तालिबानी लडाकूसँगै तीन जनाको मृत्यु भएको थियो। तर, तालिबानले भने यस विषयमा आफ्नो कुनै प्रतिक्रिया दिएको छैन। 

तालिबानविरुद्ध यसरी लडिरहेको आईएस-केलाई पाकिस्तानी समर्थक रहेको पश्‍चिमा मुलुकहरुको आरोप छ।