जनकपुरधाम- नियन्त्रण गुमाएर मोटरसाइकल टिपर मुनि परेपछि जनकपुरधाम एक युवकको मृत्यु भएको छ।
मृत्यु हुनेमा भारतीय नागरिक ३५ वर्षीय आनन्द किशोर दास रहेका छन्। उनी भारतीय नागरिक भएको बताइए पनि पूरा ठेगाना भने खुल्न सकेको छैन।
आइतबार जनकपुरधामको पिडारीचोकमा नम्बर खुल्न नसकेको मोटरसाइकल चालक दासले गोलम्बर नजिक सोही दिशाबाट आइरहेको ना ७ ख ४७४१ नम्बरको टिपर मुनी मोटरसाइकलको नियन्त्रण गुमाएर अचानक पर्न गएको जिल्ला प्रहरी कार्यालय धनुषाका प्रमुख प्रहरी उपरिक्षक प्रकाश रानाभाटले जानकारी दिए।
विपरीत दिशाबाट गएपछि टिपरभित्र मोटरसाइकल पसेको एसपी रानाभाटले बताए। घटनापछि आक्रोशित भीडले टिपरमा आगजनी गरेका छन्। घटना सम्बन्धमा थप विवरण आउन बाँकी रहेको उनले बताए।