काठमाडौं – इङ्लिस प्रिमियर लिग (ईपीएल) अन्तर्गत शनिबार साँझ सम्पन्न खेलमा म्यानचेस्टर सिटीले संघर्षपूर्ण जित निकालेको छ।
सेफिल्ड युनाइटेडको घरेलु मैदानमा भएकाे खेलमा घरेलु टिमविरुद्ध सिटीले १–० गोलको जित निकालेको हो।
सिटीको जितका लागि केली वल्करले गोल निर्णायक गोल गरे। खेलको २८ औं मिनेटमा केभिन डी ब्रुनले दिएको पास सदुपयोग गर्दै डिफेन्डर वल्करले गोल गरेका थिए।
पहिलो हाफमा एक गोलले अगाडि रहेको सिटीले दोस्रो हाफमा भने गोल गर्न नसेपछि एक गोलको जित निकालेको हो।
जितसँगै उसले ११ अंक बनाएको छ। सिटीले ६ खेलबाट तीन जित र २ बराबरीसहित ११ अंक बनाएको हो।
यता पराजित सेफिल्ड सात खेलबाट १ अंक बनाउँदै पुछारबाट दोस्रो स्थानमा छ।
त्यस्तै आज बिहान सम्पन्न खेलमा वुल्भ्सले घरेलु मैदानमा क्रिस्टल प्यालेसविरुद्ध २–० गोलको जित निकालेको थियो।