युरोपा लिगमा मिलान र नापोलीको जित

काठमाडौं- यूईएफए युरोपा लिग अन्तर्गत बिहीबार राति सम्पन्न खेलमा इटालियन क्लब एसी मिलानले सहज जित निकालेको छ। 

मिलानको घरेलु मैदानमा सम्पन्न खेलमा उसले पाहुना टिम स्पार्टा प्रागलाई ३–० गोलअन्तरले हराएको हो।

मिलानको जितका लागि ब्राहिम डियाज, राफेल लेय र डिओगो डलोटले समान १–१ गोल गरे। 

यता प्रतिस्पर्धि स्पार्टाले भने गोल गर्न सकेन। जितसहित ६ अंक बनाएको मिलान समूह एचको शीर्षस्थानमा छ भने स्पार्टा पुछारमा छ।

सोही समूह अन्तर्गतको अर्को खेलमा लिल्लेले सेन्टिकसँग २–२ गोलको बरबरी खेल्दै अंक बाँडेको छ।

नापोलीको संघषपूर्ण जित
बिहीबार राति सम्पन्न अर्को खेलमा १० खेलाडीमा सिमित नापोलीले रियल सोसिडाडमाथि १–० गोलको संघर्षपूर्ण जित निकालेको छ।

नापोलीको जितका लागि ५५ औं मिनेटमा मट्टेयो पोलिटानोले निर्णायक गोल गरे। त्यस्तै, खेलको इन्ज्युरी समयमा नोपोलीका भिक्टर ओसिम्हेन रोड कार्ड खाँदै बाहिरिएका थिए।

युरोपा लिगमा पहिलो जित निकाल्दै नापोली समूह एचको दोस्रो स्थानमा छ भने पराजित सोसिडाड समान ३ अंकका साथ तेस्रो स्थानमा छ।

समूहको शीर्षस्थानमा रहेको एजेट अल्कमारले गएरातिको खेलमा रिजेकालाई ४–१ गोलले हराएको थियो। अल्कमार ६ अंकका साथ समूहको शीर्षस्थानमा छ भने पराजित रिजेका पुछारमा छ।