लुकाकुको गोलमा इन्टर मिलानको जित

काठमाडौं– इटालियन सिरी ए अन्तर्गत शनिबार राति सम्पन्न खेलमा इन्टर मिलानले जेनोआमाथी सहाज जित निकालेको छ।

जिनोआको मैदानमा सम्पन्न खेलमा मिलानले घरेलु टिमलाई २–० गोलअन्तरले हराएको हो। जितका लागि रोमेलु लुकाकु र डानियालो डिएम्ब्रसियोल गाले गरे।

पहिलो हाफ गोलरहित बारबरी भएपछि इन्टरले दुवै गोल दोस्रो हाफमा गरेको थियो। जसमा लुकाकुले ६४ औं मिनेटमा पहिलो गोल गरे भने डिएम्ब्रेसियोले ७९ औं मिनेटमा दोस्रो गोल गरे।

जितसँगै इन्टर मिलान अंकतालिकाको तेस्रो स्थानमा छ। ऊ पाँच खेलबाट १० अंक बनाएर तेस्रा स्थानमा छ। पराजित जिनोआ भने १५ औं स्थानमा छ।

त्यस्तै, शनिबार राति नै सम्पन्न अर्को खेलमा लाजियोले बोलोग्नालाई २–१ गोलअन्तरले हराएको छ। लाजियोको जितका लागि सिरो इमोवाइल र लुईस अल्बर्टोले गोल गरे भने बोलोग्लानका लोरेन्जोले सान्त्वना गोल गरे।

जितसहित लाजियो १० औं स्थानमा छ भने पराजित बोलोग्ना भने पुछारबाट तेस्रो स्थानमा छ।