कांग्रेस अधिवेशन : दाङको तुल्सिपुरमा हमाल, घोराहीमा रावत विजयी

बुटवल- दाङस्थित नेपाली कांग्रेस तुलसीपुर उपमहानगरको सभापतिमा सुरेश हमाल विजयी भएका छन्। उनी प्रतिद्वन्द्वी अनिल कार्कीलाई १ सय ६० मतान्तरले पराजित गर्दै सभापतिमा विजयी भएका हुन्। 

हमालले ३ सय ६८ मत प्राप्त गरेका छन्। प्रतिस्पर्धी अनिलकुमार कार्कीले २०८ मत प्राप्त गरेका छन्।        

त्यसैगरी उपसभापतिमा विनिल केसीले ३५९ मत र गौरव सुबेदीले २८५ मत प्राप्त गरी निर्वाचित भएका छन्। सचिव पदमा विमल पौडेलले ३२९ मत र सुशील वलीले २७५ मत प्राप्त गरी विजयी भएका छन्। 

त्यस्तै घोराही उपमहानगरपालिकाको सभापतिमा तिलक रावत निर्वाचित भएका छन्। रावतले २ सय ८६ मत ल्याउँदा प्रतिद्वन्द्वी नीरज गिरीले १ सय ६२ मत ल्याएको निर्वाचन समितिले जनाएको छ। 

उपसभापतिमा प्रदीप सुवेदी, दुर्लभ केसी, सचिवमा भीमकान्त चौधरी र पुष्पराज आचार्य विजयी भएका छन्। तुल्सिपुर र घोराही उपमहानगरको सभापतिमा विजयी दुवै संस्थापन पक्षका हुन्।