सुर्खेतमा ४२ वर्षीय कोरोना संक्रमितको मृत्यु

कोरोना भाइरसका कारण सुर्खेतमा थप एक जनाको मृत्यु भएको छ। मृत्यु हुनेमा वीरेन्द्रनगर–९ सुर्खेतका ४२ वर्षीय पुरुष छन्।

नेपाल समय | शनिबार, कात्तिक १, २०७७

नेपाल समय

शनिबार, कात्तिक १, २०७७

सुर्खेतमा ४२ वर्षीय कोरोना संक्रमितको मृत्यु

सुर्खेत- कोरोना भाइरसका कारण सुर्खेतमा थप एक जनाको मृत्यु भएको छ। मृत्यु हुनेमा वीरेन्द्रनगर–९ सुर्खेतका ४२ वर्षीय पुरुष छन्।

उनी लक्षणसहितका संक्रमित हुन्। प्रदेश अस्पताल सुर्खेतमा उपचारको क्रममा आज विहान ७ः३० बजे मृत्यु भएको सामाजिक विकास मन्त्रालयले जनाएको छ।

मृत्युपछि कोरोनाको आशंकामा जिन एक्सपर्ट विधिबाट परीक्षण गर्दा संक्रमण पुष्टि भएको मन्त्रालयका स्वास्थ्य शिक्षा अधिकृत नवराज कँडेलले जानकारी दिए।

दश दिनदेखि ज्वरो र खोकीबाट ग्रस्त उनलाई शुक्रबार विहान १०ः३० बजे मात्रै प्रदेश अस्पताल भर्ना गरिएको थियो। यो सँगै कर्णालीमा कोरोनाबाट मृत्यु हुनेको संख्या १३ पुगेको छ ।

प्रकाशित: Oct 17, 2020| 08:05 शनिबार, कात्तिक १, २०७७